នាយកប្រតិបត្តិក្លិបធំមួយ បានអះអាងថាខ្សែការពារ Matthijs de Ligt របស់ក្រុមសេះបង្កង់ Juventus មានបំណងចង់ផ្ទេរមកកាន់ក្លិបរបស់ខ្លួន នៅពេលដែលពួកគេកំពុងជំរុញឱ្យមានការចុះហត្ថលេខាដ៏ធំមួយ សម្រាប់តារាឆ្នើមសញ្ជាតិហូឡង់ នៅទីផ្សាររដូវក្តៅនេះ ។
ជាក់ស្តែង លោក Oliver Kahn ដែលជានាយកប្រតិបត្តិរបស់ក្រុម Bayern Munich បានលើកឡើងថា អតីតកីឡាកររបស់ក្រុម Ajax រូបនេះ ចង់បញ្ចប់ការផ្ទេរមកកាន់ក្លិប Bundesliga យូរមកហើយ បន្ទាប់ពីត្រូវបានភ្ចាប់ទំនាក់ទំនង ក្នុងការចាកចេញពីក្លិបអ៊ីតាលី រយ:ពេលប៉ុន្មានសប្តាហ៍មកនេះ ។
មិនតែប៉ុណ្ណោះ លោក Kahn ថែមទាំងបាននិយាយទៀតថា ៖ ” យើងមាការពិភាក្សាជាច្រើន ហើយខ្សែការពាររូបនេះ ចង់ផ្ទេរមកលេងនៅ Bayern ។ យើងនឹងមានការពិភាក្សាបន្ថែមទៀត ហើយបន្ទាប់ពីនោះ យើងនឹងត្រូវចាំមើលថា វានឹងទៅជាយ៉ាងណា ” ។
គួរឱ្យដឹងថា De Ligt មានលក្ខខណ្ឌផ្តាច់កុងត្រាត្រឹមតែជាង ១០០ លានផោនប៉ុណ្ណោះ ប៉ុន្តែ Juventus ត្រូវបានគេរាយការណ៍ថាមានឆន្ទៈក្នុងការពិចារណាលើការផ្តល់ជូនពីសំណាក់ក្លិបដែលចាប់អារម្មណ៍ ចំនួន ៧៦ លានផោនសម្រាប់កីឡាករហូឡង់នៅទីផ្សាររដូវក្តៅនេះ ៕
ប្រភព: AF