ថ្មីៗនេះគ្រូបង្វឹក លោក Thomas Tuchel បានសារភាពថា លោកកំពុងព្យាយាមហាមឃាត់តារាឆ្នើមរបស់ក្រុម Chelsea មួយរូប ជុំវិញការផ្ទេរទៅចូលរួមជាមួយក្រុម Chelsea ដោយមើលឃើញថា ក្លិបកាតាឡាន់មិនបានចាត់ទុកគេជាកីឡាករសំខាន់នោះឡើយ ពោលគឺគ្រាន់តែជាជម្រើសបម្រុងសម្រាប់ពួកគេប៉ុណ្ណោះ ។
ជាក់ស្តែង ក្លិប Barca ត្រូវបានគេរាយការណ៍ថា កំពុងព្យាយាមធ្វើការចុះហត្ថលេខាលើខ្សែការពារ Cesar Azpilicueta នៅក្នុងពេលកន្លងមកនេះ ដោយពួកគេសង្ឃឹមថាអាចចុះហត្ថលេខាលើរូបគេមក ដោយគ្មានតម្លៃខ្លួន នៅក្នុងទីក្ផសារដោះដូរ រដូវក្តៅនេះ ។
ប៉ុន្តែយ៉ាងណា ដោយសារតែនៅសល់លក្ខខណ្ឌនៅក្នុងកុងត្រា នោះមានន័យថាកីឡាករសញ្ជាតិអេស្ប៉ាញ មានសិទ្ធិក្នុងការបន្តជាមួយក្រុម Chelsea មួយរដូវកាលទៀត ដែលជាហេតុធ្វើឱ្យការផ្ទេររបស់ក្រុម Barca កំពុងជាប់គាំង ។
ប៉ុន្តែ លោក Tuchel បាននិយាយទៅកាន់ប្រព័ន្ធផ្សព្វផ្សាយ នៅក្នុងសហរដ្ឋមអាមេរិកថា លោកមិនចង់ឱ្យ Azpiliceuta ផ្ទេរទៅកាន់ទឹកដីអេស្ប៉ាញនោះឡើយ ខណ:កំពុងមានភាពធុញទ្រាន់ចំពោះវិធីសាស្រ្តរបស់ក្លិប La Liga ជុំវិញការចង់ចុះហត្ថលេខាលើប្រធានក្រុមរបស់ខ្លួនរូបនេះ ។
លើសពីនេះ លោក Tuchel បាននិយាយប្រាប់ Metro ថា ៖ ” ជុំវិញអនាគតរបស់គាត់ វាអាចជាសំណួរដ៏លំបាកបន្តិច ព្រោះថាខ្ញុំមិនអាចផ្តល់ឱ្យគាត់ នូវអ្វីដែលគាត់ចង់បាននោះទេ។ ប៉ុន្តែនៅក្នុងក្រុមរបស់យើង គាត់តែងតែជាកីឡាករដ៏សំខាន់ ស្របពេលនៅ Barca ពួកគេប្រហែលជាមិនមើលឃើញគាត់ ស្ថិតនៅកម្រិតនោះឡើយ ” ៕
ប្រភព: AF