Dani Alves បានចុះហត្ថលេខាផ្ទេរទៅកាន់ក្លិបម៉ិកស៊ីកូ Pmas UNAM ដោយមិនមានតម្លៃផ្ទេរ បន្ទាប់ពីបញ្ចប់កិច្ចសន្យានៃការចូលរួមជាលើកទី២នៅ Barcelona។
ខ្សែការពារប្រេស៊ីលវ័យ៣៩ឆ្នាំរូបនេះ បានត្រលប់ទៅចូលរួម Barcelona កាលពីខែវិច្ឆិកា ឆ្នាំ២០២១ បន្ទាប់ពីចាកចេញពី Camp Nou អស់រយៈពេល៥ឆ្នាំទៅចូលរួម Juventus។
Pamas ដែលជាក្លិបថ្មីរបស់ Alves មិនធ្លាប់ឈ្នះជើងឯកលីគនោះទេ ចាប់តាំងពីឆ្នាំ២០១១ មក ហើយបញ្ចប់រដូវកាល ២០២១-២២ ពួកគេបញ្ចប់ក្នុងតចំណាត់ថ្នាក់លេខ១១។
សម្រាប់ការរួមរស់រយៈពេល៨ឆ្នាំនៅ Barcelona, Alves ឈ្នះជើងឯក La Liga ៦លើក និង Champions League ៣ដង។ គេក៏បានបង្ហាញខ្លួនឱ្យក្រុមបាល់ទាត់ជម្រើសជាតិប្រេស៊ីល ១២៥ប្រកួតដែរ ហើយរំពឹងថា នឹងទទួលបានឱកាសចូលរួមព្រឹត្តិការណ៍ FIFA World Cup នៅប្រទេសកាតារ នៅចុងឆ្នាំនេះ៕
ប្រភព៖ BBC