អតីតកីឡាករ និងជាអតីតនាយកផ្នែកកីឡា របស់ក្លិប Real Madrid លោក Pedja Mijatovic ថ្មីៗនេះ បានបង្ហាញថា លោកមិនជឿខ្សែប្រយុទ្ធឆ្នើមរបស់ក្រុមបិសាចក្រហម Manchester United កីឡាករ Cristiano Ronaldo នឹងផ្ទេរទៅលេងឱ្យក្លិបធំនៅអេស្ប៉ាញមួយនេះឡើយ ។
ជាក់ស្តែង កីឡាករវ័យ ៣៧ ឆ្នាំរូបនេះ ត្រូវបានគេយល់ឃើញថាកំពុងមានចិត្តចង់ដើរចេញពីក្លិប Man Utd នៅរដូវក្តៅនេះ ហើយគេ ត្រូវបានភ្ចាប់ទំនាក់ទំនងយ៉ាងខ្លាំង ជាមួយនឹងការផ្ទេរទៅកាន់ក្លិប Atletico Madrid ផងដែរ នៅមួយរយ:ពេលចុងក្រោយនេះ ។
បើទោះបីធ្លាប់ជាគូប្រជែងដ៏ធំ អំឡុងពេល Ronaldo នៅលេងឱ្យក្លិប Real Madrid ក៏ដោយ ប៉ុន្តែគ្រូបង្វឹក លោក Diego Simeone ត្រូវបានគេរាយការណ៍ថា ហាក់មានចំណាប់អារម្មណ៍ ក្នុងការនាំយកខ្សែប្រយុទ្ធសញ្ជាតិព័រទុយហ្គាល់មកកាន់ក្រុមរបស់លោក ។
តែទោះជាយ៉ាងណា លោក Mijatovic មិនគិតថាការផ្ទេរនេះ អាចនឹងកើតមានឡើងឡើយ ខណ:លោកថែមទាំងបាននិយាយប្រាប់ទៅកាន់ El Larguero ផងដែរថា ៖ ” តើ Cristiano Ronaldo នឹងបញ្ចប់ការផ្ទេរទៅកាន់ At Madrid ? ខ្ញុំមិនគិតថាវានឹងអាចកើតឡើងទេ ។ ខ្ញុំមិនដឹងពីស្ថានភាពនេះទេ ព្រោះខ្ញុំមិនមានព័ត៌មានច្បាស់លាស់ តែខ្ញុំគិតដូចអ្នកទទៃទៀតដែរ ថារឿងនេះនឹងមិនកើតឡើងទេ ” ៕
ប្រភព: AF