វីរបុរសក្រុមបិសាចក្រហម Manchester United លោក Paul Scholes បានបង្ហាញពីភាពមិនសប្បាយចិត្តរបស់លោក ទៅលើកីឡាកររបស់ក្រុមបិសាចក្រហម ២ រូប ជុំវិញការបង្ហាញគុណផលលេងរបស់ពួកគេ ដែលមិនអាចទទួលយកបានមួយ កាលពីយប់មិញ ។
ជាក់ស្តែង Man Utd បានបរាជ័យ ក្រោមថ្វីជើងរបស់ក្រុម Brighton & Hove Albion នៅក្នុងការប្រកួតបើកឆាកក្របខ័ណ្ឌ Premier League របស់ពួកគេ ដោយលទ្ធផល ២–១ នៅឯទឹកដី Old Trafford ។
ហើយជាមួយការបរាជ័យនេះផងដែរ បានធ្វើឱ្យលោក Scholes មានការអាក់អន់ចិត្តយ៉ាងខ្លាំង ទៅលើការបង្ហាញទម្រង់លេងរបស់ក្រុមទាំងមូល និងជាពិសេស លោកបានសំដៅលើខ្សែបម្រើ Fred និង Scott McTominay តែម្តង។
ដោយ និយាយទៅកាន់ Metro អតីតខ្សែបម្រើអង់គ្លេសរូបនេះបានពន្យល់ថា៖” វាជាការចាប់ផ្តើមដ៏គួរឱ្យភ្ញាក់ផ្អើលមួយ សម្រាប់ Man United ហើយតង់ទីមួយពិតជារឿងគួរឱ្យអាម៉ាសខ្លាំងណាស់ ។ McTominay តែងតែព្យាយាមរត់អូសបាល់តែម្នាក់ឯក វាពិតគួរឱ្យអស់សំណើច។ តំបន់បម្រើរបស់ក្រុមពិតជាអន់មែនទែន ” ។
លោកបន្ថែមទៀតថា ៖ ” ជាសំណាងគាត់មិនបានទទួលកាតក្របហមពីការប្រជែងយកបាល់ដ៍គ្រោះ.ថ្នាក់មួយ ។ គុណភាពតំបន់បម្រើលើទីលានមិនសូវល្អគ្រប់គ្រាន់ទេ ។ ប៉ុន្តែយើងបានឃើញថាវាតែងតែបែបនេះ ក្នុងរយ:ពេលប៉ុន្មានឆ្នាំចុងក្រោយនេះ ជាមួយនឹងកីឡាករទាំងពីររូបនេះ ” ៕
ប្រភព: AF