យោងតាមការចុះផ្សាយពីកាសែត The Athletic បានបង្ហាញឱ្យដឹងថា ក្លិបបិសាចក្រហម Manchester United នៅពេលចុងក្រោយនេះ កំពុងធ្វើការលើកិច្ចព្រមព្រៀងមួយ ដើម្បីចុះហត្ថលេខានាំយកតារាឆ្នើមរបស់ក្រុម Juventus មកកាន់ទឹកដី Old Trafford មុនទីផ្សារដោះដូរកីឡាករបិទទា្វរ ។
ជាក់ស្តែង កីឡាករដែលក្លិប Man Utd ចង់បាននោះ គឺខ្សែបម្រើ Adrien Rabiot នៅពេលដែលក្លិបអង់គ្លេស បានចាត់ទុកគេជាបេក្ខភាពឈានមុខគេ បន្ទាប់ពីការព្យាយាមចុះហត្ថលេខានាំយក Frenkie de Jong ពីក្រុម Barcelona នៅតែមានភាពមិនច្បាស់លាស់ ។
គួរឱ្យដឹងថា Rabiot បានឈានដល់រយ:ពេល ១២ ខែចុងក្រោយនៃកិច្ចសន្យាបច្ចុប្បន្នរបស់គេ ជាមួយក្រុម Juventus ខណៈពេលដែលគ្រូបង្វឹក លោក Erik ten Hag កំពុងព្យាយាមស្វែងរកការពង្រឹងក្រុមរបស់គាត់បន្ថែមទៀត មុនថ្ងៃផុតកំណត់នៃទីផ្សារដោះដូរ។
របាយការណ៍ខាងលើ ក៏បានអះអាងថា Man United ត្រូវតែសម្រេចចិត្តថា តើត្រូវបញ្ចប់ការចុះហត្ថលេខាជាមួយ Rabiot មកកាន់ទឹកដី Old Trafford ឬត្រូវរង់ចាំមើលឱកាស ក្នុងការតាមយក De Jong បន្តទៀត ៕
ប្រភព: Sportbible