កន្លងទៅនេះ លោក Florentino Perez បានឆ្លើយតបទាំងមិនស្ទាក់ស្ទើរទៅកាន់ ការចង់បានរបស់អ្នកគាំទ្រ ដែលស្រែ.កមកកាន់លោក ថាក្លឹប Real Madrid សមតែយក Cristiano Ronaldo ត្រលប់មកវិញ។ នេះជួនពេលកីឡាករព័រទុយហ្គាល់ កំពុងស្ថិតក្នុងភាពមិនប្រាកដប្រជាជាមួយក្លឹបអាណាព្យាបាល Man Utd ដែលសល់កុងត្រាមួយឆ្នាំ។
នៅការធ្វើដំណើរមួយ លោក Perez បានទទួលសំណួរ អំពីក្លឹបស្តេច តើមានគម្រោងចង់នាំយក Ronaldo ដែរទេ? ស្រាប់តែ Perez ឆ្លើយ៖ “ចុះហត្ថលេខាយក Ronaldo មកជាថ្មីមែនទេ នេះគេអាយុ ៣៨ ឆ្នាំហើយ”។ បញ្ជាក់ នេះជាការលើកឡើងខុសរបស់ Perez ដោយត្រង់អាយុ Ronaldo ទើបតែ ៣៧ ប៉ុណ្ណោះ។
តែយ៉ាងណា អ្នកគាំទ្រក៏នៅមិនអស់ចិត្ត ហើយគិតថា ទោះអាយុច្រើនតែ CR7 គុណភាពនៅបន្តមាន ទាំងកាយសម្បទា ទាំងបច្ចេកទេសនៃការប្រកួតលើទីលាន គឺសក្តិសមណាស់នឹងក្លាយជាខ្សែប្រយុទ្ធឲ្យក្លឹបអធិរាជស ជាលើកទី ២។
https://youtu.be/WWGTDb7FImE
រំឭកថា Ronaldo ចាយពេល ៩ ឆ្នាំឲ្យ Madrid និងរកបាន ៤៥០ គ្រាប់ នៅ ៤៣៨ ប្រកួត ជាប់ឈ្មោះជាកីឡាកររកបានគ្រាប់បាល់ច្រើនបំផុតប្រចាំប្រវត្តិសាស្រ្តក្លឹបទាំងមូល។ បច្ចុប្បន្ននេះ បើក្លឹបណាចង់បានកីឡាករព័រទុយហ្គាល់ ម្ល៉េះទាមទារការចំណាយមិនលើសពី ២០ លានផោនឡើយ៕
ប្រភព៖ SportBible