តារាឆ្នើម Raheem Sterling បានផ្លាស់មក Chelsea និងបង្ហាញខ្លួនជាបណ្តើរៗ រួចក៏មានការរកគ្រាប់បាល់ខ្លះហើយដែរ។ មុនឈានដល់ការប្រកួតបន្ទាប់ ដែលតោខៀវកំណត់ជួប Tottenham នាចុងសប្តាហ៍នេះ ស្រាប់តែខ្សែប្រយុទ្ធអង់គ្លេសបានបង្ហើបជាមុន អំពីមហិច្ឆតាមួយចំនួន។
Serling ដែលរាប់ថាឆ្អែត.ឆ្អន់នឹងការលើកពានលីគកំពូល Premier League កាលនៅក្លឹប Manchester City ហើយចន្លោះតែពាន UCL ក៏បានដាក់គោលដៅ ដោយចង់ឈ្នះពានអឺរ៉ុបជាមួយក្រុមដឹកនាំដោយអ្នកចាត់ការលោក Thomas Tuchel។ បញ្ជាក់ថា ក្លឹបម្ចាស់ដី Stamford Bridge ធ្លាប់បានឈ្នះពាននេះម្តងហើយ កាលពីរដូវកាល ២០២០/២១។
Sterling និយាយ៖ ៖ “ខ្ញុំចាប់ផ្ដើមបាត់បង់តំណែងកាលនៅក្លឹបចាស់ ដូច្នេះក៏រកវិធីផ្លាស់ប្តូរ គឺមានតែបោះជំហានថ្មី ហើយជាមួយ Chelsea នៅពាន Champions League ខ្ញុំអត់ទាន់បានលេងទេ តែយ៉ាងណាពួកគេធ្លាប់បានឈ្នះវារួចមកហើយ តែខុសពីខ្ញុំ មិនទាន់ស្គាល់ជ័យជម្នះនៅឡើយ”។
លោកបន្ត៖ “តែជាថ្មីម្តងទៀត ខ្ញុំមកទីនេះ គឺដើម្បីឈ្នះពានរង្វាន់ហ្នឹងឯង ខ្ញុំអត់ដឹងថា នឹងមានភាពល្អប្រសើរជាងនៅ City ឬបែបណាទេ ព្រោះវាមិនអាចកំណត់តែលើខ្ញុំម្នាក់បានឡើយ គ្រាន់ថាខ្ញុំនឹងព្យាយាមឲ្យអស់ពីលទ្ធភាព ជួយក្រុមធ្វើឲ្យបានល្អជាទីបំផុត នៅគ្រប់រដូវកាលទាំងអស់”៕
ប្រភព៖ Metro