Frenkie de Jong កំពុងក្លាយជាគោលដៅដែល Barcelona ត្រូវបន្ទា.ន់ដោះស្រាយឲ្យបានរួចរាល់នៅពេលប៉ុន្មានម៉ោងទៀតនេះ ពោលទាមទារឲ្យមានការកាត់បន្ថយប្រាក់ពលកម្មជាចាំបាច់ ទៅតាមលក្ខខណ្ឌក្លឹបចង់បាន ប្រសិនជាចង់បន្តឈរជើង ផ្អែកតាមសុពលភាពបានកំណត់ ដល់ចុងខែមិថុនា ឆ្នាំ ២០២៦។
មិនដូច្នោះទេ កីឡាករអាចចាកចេញទៅបាន ពោលក្លឹបនឹងប.ង្ខំឲ្យមានការផ្ទេរចេញកើតឡើង ព្រោះក្លឹបមិនមានលទ្ធភាពបន្តចាយវាយលើថ្លៃពលកម្មកីឡាករហូឡង់តទៅទៀតឡើយ។ តាមសារព័ត៌មាន SPORT ចុះផ្សាយ ក្លឹបដឹកនាំដោយប្រធានលោក Joan Laporta បានដាក់លក្ខខណ្ឌថា De Jong ត្រូវតែកាត់ប្រាក់ពលកម្មជិត ៥០ ភាគរយ ដើម្បីបន្តនៅ។
មូលហេតុក្លឹបធ្វើបែបនេះ ក៏ដើម្បីសម្រួលទុកចន្លោះ ក្នុងការចុះបញ្ជីឈ្មោះកីឡាករថ្មីៗជាច្រើនទៀត មុនការចាប់ផ្តើមក្របខ័ណ្ឌ La Liga នៅពេលដ៏ខ្លីខាងមុខ។ តែយ៉ាងណានេះគ្រាន់ជាការដាក់សំណើប៉ុណ្ណោះ ដរាបណាកុងត្រានៅមាន សាមីខ្លួន De Jong ក៏មានសិទ្ធសម្រេចថា យល់ព្រម ឬអត់ដែរ គ្រាន់ថាការធ្វើទុ.ក្ខបុក.ម្នេញពីក្លឹប ប្រាកដកើតមានមិនខាន ក្នុងករណីកីឡាករមិនយល់ស្របតាម។
ប្រសិនជាចាកចេញ ក្លឹបមានភាគរយខ្ពស់ អាចយកបាន De Jong គឺ Chelsea មិនមែន Man Utd ទេ បើផ្អែកតាមចចាមអារ៉ាមចុះផ្សាយចុងក្រោយ។ មិនពាក់ព័ន្ធនឹងរឿងលុយ តែត្រង់ចំណង់កីឡាករ គឺបាក់ទៅលើក្លឹបម្ចាស់ដី Stamford Bridge ជាជាង Old Trafford៕
ប្រភព៖ SPORT