គ្រូបង្គោលក្រុមបាល់ទាត់ជម្រើសជាតិអាល្លឺម៉ង់ Hansi Flick បានលើកឡើងថា នៅមានឱកាសសម្រាប់កីឡាករចាស់វស្សាពីររូប ក្នុងការចូលរួមព្រឹត្តិការណ៍ FIFA World Cup នៅកាតារឆ្នាំ២០២២ បន្ទាប់ពីពួកគេគ្មានឈ្មោះក្នុងបញ្ជីសម្រាប់ការប្រកួតមិត្តភាពមុនការប្រកួតនោះមកដល់។
កីឡាករពីររូបគឺ Mario Gotze និង Mats Hummels មិនមានឈ្មោះក្នុងបញ្ជីក្រុមដែលត្រូវចូលរួមប្រកួត Nations League ទល់ហុងគ្រី និងអង់គ្លេសនោះទេ ខណៈខ្សែការពាររបស់ Southampton, Armel Bella-Kotchap ទទួលបានការកោះហៅជាលើកដំបូង។
ស្របពេលដែលការប្រកួតបើកឆាក World Cup ទល់នឹងជប៉ុននៅសល់ពេលតែ២ខែទៀត, Gotze ដែលជាអ្នករកគ្រាប់បាល់ជ័យជម្នះ ក្នុងវគ្គផ្ដាច់ព្រ័ត្រ World Cup 2014 និង Hammels កំពុងមានការប្រកួតប្រជែងដើម្បីទទួលបានឱកាសកោះហៅ។
ប៉ុន្ដែគ្រូបង្គោល Flick បានលើកឡើងថា ចង់ទុកពេលដែលនៅសល់ឱ្យពួកគេ បង្ហាញថាពួកគេស័ក្ដិសមទទួលបានការកោះហៅ តួយ៉ាង Gotze បានបង្ហាញការអភិវឌ្ឍសមត្ថភាពនៅក្នុងក្រុម Eintracht Frankfurt។
លោក Flick បាននិយាយកាលពីថ្ងៃព្រហស្បតិ៍ថា៖ “ក្រុមការងារគ្រូបង្វឹក បានត្រៀមរួចរាល់សម្រាប់ World Cup។ យើងមានកីឡាករគុណភាពនៅតំបន់ប្រយុទ្ធ ដូច្នេះវាពិតជាពិបាកក្នុងការចូលរួមនៅក្នុងបញ្ជីនេះ”។
“ប៉ុន្ដែយើងនឹងរង់ចាំមើលនូវអ្វីដែល Mario ធ្វើ។ វាពិតជាល្អ ហើយខ្ញុំរីករាយនៅទីនោះ។ គេមើលទៅមានភាពចាស់ទុំ។ យើងដឹងថាគេអាចចូលរួមបាន។ គេមានរាល់ឱកាសទាំងអស់ ប្រសិនបើគេ បន្ដបង្ហាញសមត្ថភាពដើម្បីអាចចូលរួមការប្រកួត World Cup”។
“ខ្ញុំពេញចិត្ត Mats Hummels សម្រាប់ការប្រកួតទល់ Man City។ គេស្ថិតនៅក្នុងការលេងដ៏ល្អ។ ប៉ុន្ដែប្រសិនបើនរណាលេងបានល្អជាងគេ… ពួកគេមានឱកាសល្អមកលេងនៅទីនេះ។ យើងមានកីឡាករលើទីលាន២១នាក់នៅក្នុងក្រុម ដូច្នេះយ៉ាងហោចណាស់មានតួនាទីពីរត្រូវបានបើកចំហរ”៕
សូមបញ្ជាក់ថា កីឡាករដែលត្រូវបានកោះហៅចូលក្រុមជម្រើសជាតិអាល្លឺម៉ង់មានដូចជា៖
អ្នកចាំទី៖ Manuel Neuer (Bayern Munich), Marc-Andre ter Stegen (Barcelona), Kevin Trapp (Eintracht Frankfurt)
ខ្សែការពារ៖ Armel Bella-Kotchap (Southampton), Matthias Ginter (Freiburg), Robin Gosens (Inter), Thilo Kehrer (West Ham), David Raum (RB Leipzig), Antonio Rudiger (Real Madrid), Nico Schlotterbeck (Borussia Dortmund), Niklas Sule (Borussia Dortmund)
ខ្សែបម្រើ៖ Julian Brandt (Borussia Dortmund), Leon Goretzka (Bayern Munich), Joshua Kimmich (Bayern Munich), Ilkay Gundogan (Manchester City), Jonas Hofmann (Borussia Monchengladbach), Lukas Nmecha (Wolfsburg) Jamal Musiala (Bayern Munich)
ខ្សែប្រយុទ្ធ៖ Timo Werner (RB Leipzig), Kai Havertz (Chelsea), Marco Reus (Borussia Dortmund), Serge Gnabry (Bayern Munich), Leroy Sane (Bayern Munich), Thomas Muller (Bayern Munich)
ប្រភព៖ Live Score