ថ្មីៗនេះ ខ្សែបម្រើឆ្នើមរបស់ក្រុម Manchester City កីឡាករ Rodri បានចុចឈ្មោះក្រុមមួយ ដែលខ្លួនគិតថានឹងក្លាយជាគូប្រជែងដ៏ធំ សម្រាប់ពានរង្វាន់ក្របខ័ណ្ឌ Premier League នៅរដូវកាលនេះ ។
ជាក់ស្តែង ក្រុមដែល Rodri ចង់សំដៅលើនោះ គឺ Tottenham Hotspur ដោយសារតែមើលឃើញពីការកើនឡើងសមត្ថភាពរបស់ពួកគេ នៅក្រោមការដឹកនាំរបស់គ្រូបង្វឹក លោក Antonio Conte នៅរដូវកាលនេះ ។
ជាការពិតណាស់ លោក Conte បានដឹកនាំក្រុម Spurs ឱ្យទទួលបានកៅអីលេងនៅក្នុងពានរង្វាន់ Champions League វិញ កាលពីរដូវកាលមុន ហើយសម្រាប់ពេលបច្ចុប្បន្ននេះវិញ ពួកគេ ស្ថិតនៅក្នុងចំណោមក្រុម ដែលមិនទាន់ស្គាល់ចាញ់ ក្នុងចំណោមការប្រកួត ៧ លើកនៅ PL រដូវកាលនេះ រួមជាមួយក្រុម Man City ។
លើសពីនេះ Rodri បានប្រាប់ Gazzetta dello Sport ថា ៖“Tottenham បានបង្កើតក្រុមដ៏អស្ចារ្យមួយ ហើយពួកគេមានអ្នកចាត់ការ ដែលមានគំនិតច្បាស់លាស់ ។ ពួកគេដឹងពីអ្វីដែលពួកគេត្រូវធ្វើ ហើយពួកគេធ្វើវាដោយភាពជាក់លាក់។ ខ្ញុំមើលឃើញ Spurs ជាបេក្ខភាពសម្រាប់ប្រជែងពាន។ ប្រវត្តិដឹកនាំរបស់ Conte បានបង្ហាញយើងច្បាស់លាស់ហើយ” ៕
ប្រភព: 90min