អតីតតារាឆ្នើមរបស់ Barcelona, Dani Alves បង្ហាញការលើកសរសើរចំពោះអតីតកីឡាករគូប្រជែងនៅអេស្ប៉ាញគឺ Cristiano Ronaldo។
អ្នកទាំងពីរមានការប្រកួតប្រជែងគ្នាដ៏តានតឹងពេល Ronaldo លេងនៅ Real Madrid ហើយ Alves លេងនៅ Barcelona ដែលត្រួតត្រាបាល់ទាត់អឺរ៉ុបចន្លោះពីឆ្នាំ២០០៨ ដល់ ២០១២។
នៅពេលដែល Alves បានផ្លាស់ទៅប្រទេសកំណើតប្រេស៊ីល បន្ទាប់ពីចាកចេញពី Camp Nou ទាំងចម្រូងចម្រាស់ ហើយពេលនេះគេមិនមានសម្ពាធអ្វីនោះទេជាមួយ Ronaldo។
Alves បាននិយាយនៅក្នុង podcast របស់ Marca ថា៖ “ខ្ញុំចូលចិត្ត Cristiano។ ពេលនេះយើងលែងនៅ Barca ឬ Madrid ទៀតនោះទេ ខ្ញុំអាចនិយាយបាន ពីមុនខ្ញុំមិនអាចនិយាយបានឡើយ”។
“Cristiano ជាឧទាហរណ៍ សម្រាប់យើងទាំងអស់គ្នាដែលមិនមានទេពកោសល្យខ្ពស់ ជាមួយនឹងប្រឹងប្រែង អ្នកអាចប្រជែងជាមួយកីឡាករល្អបំផុត។ ខ្ញុំគោរពគាត់ខ្លាំងណាស់ ហើយខ្ញុំមានឱកាសប្រាប់ទៅគាត់”៕
ប្រភព៖ Football Espana