ខ្សែការពារសកម្មរបស់ក្លឹបបិសាចក្រហម Raphael Varane បានបង្ហាញឆន្ទៈទុកជាមុន អំពីការប្រកួតខាងមុខ Manchester Derby កំណត់ជួបគ្នាវេលាម៉ោង ០៨:០០ នាទីយប់ ថ្ងៃអាទិត្យ មានផ្សាយផ្ទាល់លើទំព័រ CTS SPORT។ នេះជាប្រកួតជើងទី ១ នៅក្របខ័ណ្ឌ Premier League ដ្បិតអីក្រុមលោក Pep Guardiola កំពុងត្រូវការ ៣ ពិន្ទុដើម្បីវិលទៅកំពូលតារាង ហើយក្រុមលោក Erik ten Hag ក៏ដូចគ្នា ដើម្បីជ្រៀតខ្លួនចូល Top 4។
ងាកមកខ្សែការពារដ៏រឹងមាំនៅតំបន់ជញ្ជាំងកណ្តាល គឺ Varane បាននិយាយថា ការយកឈ្នះគីឡូក្លឹបធំដូច Liverpool, Man City ជាដើមនេះ ជារឿងចាំបាច់ជាងប្រកួតដទៃណាទាំងអស់ ព្រោះពិតមានន័យធំធេងសម្រាប់អ្នកគាំទ្ររបស់ក្លឹប។ យើងបានដឹងកន្លងទៅ លេងទល់ហង្សក្រហម ខាងបិសាចបានយកឈ្នះ ២-១ កាលពីខែសីហា។
តាមការលើកឡើងរបស់បុរសវ័យ ២៩ ឆ្នាំនិយាយទៅ L’Equipe៖ “ការចាត់ទុក City ជាស.ត្រូវ គឺជាការយល់ឃើញរបស់អ្នកគាំទ្រ ហើយវាពិតជាសំខាន់ណាស់សម្រាប់ពួកគេ ដូច្នេះយើងត្រូវតែគោរពទៅតាមការយល់ឃើញនោះ”។
កីឡាករសញ្ជាតិបារាំងបន្ត៖ “យើងពិតជាចង់ឲ្យអ្នកគាំទ្ររីករាយសប្បាយចិត្ត ដូច្នេះយើងត្រូវតែព្យាយាម យកឈ្នះក្រុមដូចជា City, Liverpool ឲ្យបាន អ្នកត្រូវមានអារម្មណ៍ដូចអ្វីដែលអ្នកគាំទ្រចង់បាន វាពិតជាសំខាន់ខ្លាំង”៕
ប្រភព៖ L’Equipe