Robert Lewandowski បន្ដការរកគ្រាប់បាល់បញ្ចូលទីសម្រាប់ Barcelona ក្នុងការប្រកួតទល់នឹង Real Mallorca ហើយរំកិលមកកាន់កំពូលតារាង La Liga បណ្ដោះអាសន្ន។
Lewandowski បានអូសបាល់តែម្នាក់ឯងទៅក្នុងប្រអប់ស្លាបខាងឆ្វេង ហើយបានញាក់ខ្សែការពាររបស់ក្រុម Mallorca មុនពេលស៊ុតកោងបញ្ចូលទី យ៉ាងស្អាតទៅក្រោមជ្រុងខាងស្ដាំ។
ខ្សែប្រយុទ្ធប៉ូឡូញរូបនេះ រកគ្រាប់បាល់ទី៩របស់ខ្លួន ក្នុងចំណោម៧ប្រកួតនៅក្នុងលីគ ហើយនេះជាគ្រាប់បាល់ដ៏ល្អពីការបង្ហាញសមត្ថភាពរបស់គេ ដែលនាំឱ្យក្រុមរបស់លោក Xavi Hernandez ទទួលបាន៣ពិន្ទុ។
ទស្សនាគ្រាប់បាល់ solo ដ៏ស្រស់ស្អាតរបស់ Lewandowski៖
ក្រោយទទួលបានជ័យជម្នះនេះ ក្រុមអ្នកមានបុណ្យបានរំកិលមកកំពូលតារាង La Liga ដោយបាននាំមុខ Real Madrid ដែលមិនទាន់ស្គាល់ស្មើ ឬចាញ់នៅឡើយរដូវកាលនេះ ដែលពួកគេត្រូវតតាំងជាមួយ Osasuna នាថ្ងៃអាទិត្យ៕