Phil Foden បានបំបែកកំណត់ត្រាមួយរបស់ Lionel Messi ដោយបានក្លាយជាកីឡាករដែលមានវ័យក្មេងបំផុត ដែលអាចរកគ្រាប់បាល់៥០គ្រាប់ ក្រោមការដឹកនាំដោយលោក Pep Guardiola ជាមួយនឹងគ្រាប់បាល់ហេតទ្រីគសម្រាប់ Manchester City កាលពីយប់មិញ។
Foden រកគ្រាប់បាល់ទី៥០របស់ខ្លួន ដែលជាគ្រាប់បាល់ទី២របស់គេនៃប្រកួតនោះ ពីការវាយបកយ៉ាងល្អ នៅក្នុងតង់ទី១ ហើយកីឡាករក្រុមជម្រើសជាតិអង់គ្លេសរូបនេះ រកបានមួយគ្រាប់បន្ថែម មុនពេលប្ដូរចេញនៅក្នុងតង់ទី២។
នៅក្នុងវ័យត្រឹមតែ២២ឆ្នាំ និង១២៧ថ្ង, Foden បានក្លាយជាកីឡាករក្មេងបំផុត ដែលលេងក្រោមការបង្វឹកដោយលោក Guardiola ដោយបាននាំមុខកំណត់ត្រាចាស់របស់ Lionel Messi ដែលមានវ័យ២២ឆ្នាំ និង ១៦២ថ្ងៃ។
Foden ត្រូវបានរំពឹងថាអាចបន្ដរួមចំណែកគ្រាប់បាល់ និង assist សម្រាប់ក្រុម Man City ច្រើនឆ្នាំតទៅមុខទៀត ប៉ុន្ដែសម្រាប់រដូវកាលនេះ គេព្យាយាមជួយក្រុម ក្នុងការការពារតំណែងជើងឯក Premier League និងពានរង្វាន់អឺរ៉ុប UEFA Champions League៕
ប្រភព៖ Goal