យុវជន Erling Haaland បានក្លាយជាកីឡាករល្អបំផុតនៅការប្រកួតទល់ក្លឹប Manchester United បន្ទាប់ការរកបាន ៣ គ្រាប់និង Assist ២ ទៅឲ្យមិត្តរួមក្រុម ជាចំណែកក្រុមយកឈ្នះ ៦-៣ ជាលទ្ធផលដ៏អស្ចារ្យនៅប្រកួតកាលពីយប់ថ្ងៃអាទិត្យ។
ទោះជាយ៉ាងណាពនរង្វាន់ Player of the Match ឬ POTM សម្រាប់កីឡាករសញ្ជាតិន័រវេស មិនបានយកទុកនឹងខ្លួនឯងនោះទេ ផ្ទុយទៅវិញ បានប្រគល់វាទៅឲ្យមិត្តរួមក្រុម ដែលជាអ្នករកបាន Hat-trick ដូចគ្នា គឺ Phil Foden នៅក្រោយចប់ការប្រកួត។
ជាការពិត ពានរង្វាន់អាចមានតែម្នាក់ទទួលយក ហើយពេលសម្ភាសន៍ជាមួយ Sky Sports ពួកគេក៏ត្រូវបានគេចោទសួរថា៖ “ពានរង្វាន់បុគ្គលមួយនេះគិតបែបម៉េច បើរកបាន Hat-trick ដូចគ្នាអ៊ីចឹង”។ ដល់តែ Foden ឆ្លើយ៖ “យកល្អយើងកាត់ជា ២ ចែកគ្នាទៅ” ក្រោយលឺការនិយាយលេងសើចបែបនេះ ក៏ Haaland ឆ្លើយតបថា៖ “មានអីល្អតើ”។
🗣️ "𝙒𝙚 𝙜𝙚𝙩 𝙤𝙣𝙚 𝙚𝙖𝙘𝙝, 𝙣𝙤?" 👀
Erling Haaland & Phil Foden on who will get to keep the match ball after they both scored a hat-trick in the Manchester derby. pic.twitter.com/Ics1jT25CZ
— Sky Sports Premier League (@SkySportsPL) October 2, 2022
តែយ៉ាងណាវាគ្រាន់ជាការលេងសើចប៉ុណ្ណោះឯង ជាក់ស្តែង Haaland នៅតែប្រគល់ទៅឲ្យ Foden ដោយមិនស្ទាក់ស្ទើរដដែល។ គួរបញ្ជាក់ថា បន្ថែម Hat-trick យប់មិញទៀត សរុបគ្រាប់បាល់របស់ Haaland រដូវកាលនេះ មាន ១៤ គ្រាប់ហើយនៅ PL និង ១៧ គ្រាប់សរុបគ្រប់ក្របខ័ណ្ឌទាំងអស់៕
ប្រភព៖ SportBible