នៅប្រកួតដែល Man Utd បរាជ័យក្រោមថ្វីជើង Man City ៣-៦ កាលពីយប់មិញ ងាកទៅមតិជើងចាស់លោក Arsene Wenger ក៏បាននិយាយថា កីឡាករក្រុមភ្ញៀវលេងតំបន់ខាងលើ ឃើញស្ថានភាពក្រុមបែបហ្នឹងហើយ អត់លេងចេះបត់បែន ហើយចាំតែវាយបក អត់ចុះជួយការពារគ្នាខ្លះ។
នោះសំដៅទៅ Antony និង Jadon Sancho ដែលខ្សែប្រយុទ្ធស្លាបទាំងសងខាង លេងមិនចុះមកក្រោម ហើយចាំតែឱកាសវាយបក ពោលសុខចិត្តឈរនឹងនៅផុតទៅលើ ទាំងដែលក្រុមរងឱកាសវាយប្រ.ហារជាច្រើនលើកច្រើនសារពីសំណាក់ក្រុមគូប្រជែង។
អតីតគ្រូក្លឹប Arsenal ប្រាប់ beIN Sports បែបនេះ៖ “នៅតង់ទី Man Utd មានប្រព័ន្ធការពារអន់ខ្លាំងណាស់ នៅពេល Diogo Dalot បានកាតលឿងហើយ ឃើញបែបហ្នឹង Sancho និង Antony ពួកគេដូចអត់ចុះមកជួយតំបន់ខាងក្រោមសោះ”។
លោកបន្ត៖ “ពួកគេនៅតែខាងលើ ហើយពេលមានបាល់ ហាក់ព្យាយាមលេងតាមផែនការណ៍ក្រុមពេក អត់ចេះបត់បែន ជារួមអត់លេងយក Possession ខ្លះសិន បែរជាព្យាយាមបុកទៅលើ ដល់ខូចបាល់ជារឿយៗ ដូចបានឃើញជាក់ស្តែងពួកគេចាំតែការលេងបាល់វាយបក Counter-Attack ប៉ុណ្ណោះឯង”៕
ប្រភព៖ beIN Sports