ខ្សែបម្រើឆ្នើម Aurelien Tchouameni បានមកដល់ក្លិប Real Madrid ពីក្រុម AS Monaco អំឡុងទីផ្សារដោះដូររដូវក្តៅនេះ ជាមួយនឹងការចុះហត្ថលេខាលើកុងត្រារហូតដល់ឆ្នាំ ២០២៨ ឯណោះ ស្របពេលរូបគេទទួលបានកន្លែងលេងបន្តិចម្តងៗ នៅក្នុងជម្រើសដំបូងរបស់គ្រូបង្វឹកលោក Carlo Ancelotti នៅរដូវកាលនេះ ។
ហើយឥឡូវនេះ ខ្សែបម្រើវ័យ ២២ ឆ្នាំ ហាក់បានបង្ហាញភាពលេងធ្លោសម្រាប់ក្រុម Madrid រួចទៅហើយ ជាមួយនឹងការបង្ហាញខ្លួនក្នុងប្រកួតផ្លូវការ ៨ លើក ដោយក្នុងនោះគេបានជាប់ក្នុងជម្រើសដំបូង ៧ លើករួចមកហើយនៅរដូវកាលនេះ ។
យ៉ាងណា អំឡុងនិយាយក្នុងបទសម្ភាសជាមួយ Telefoot កីឡាករសញ្ជាតិបារាំង បាននិយាយថាគេគ្មានការសង្ស័យអ្វីនោះឡើយ ចំពោះការសម្រេចចិត្តផ្ទេរមកកាន់ទឹកដី Bernabeu បើទោះបីជាក្លិប PSG បង្ហាញការចាប់អារម្មណ៍លើខ្លួនខ្លាំងក៏ដោយ ។
លើសពីនេះ Tchouameni បានលើកឡើងថា ៖ ” ខ្ញុំមិនដែលមានការសង្ស័យណាមួយចំពោះក្លិប PSG នោះទេ ព្រោះពួកគេក៏ជាក្លិបដ៏ធំមួយនៅអឺរ៉ុ ។ ប៉ុន្តែមែនទែនទៅ នៅក្នុងចិត្តរបស់ខ្ញុំ មានតែក្លិប Real Madrid មួយប៉ុណ្ណោះ ” ៕
ប្រភព: Besoccer