ថ្វីត្បិតតែជាវីរបុរសរបស់ក្រុមកាំភ្លើងធំ Arsenal ក្តី ប៉ុន្តែលោក Martin Keown បានសារភាពត្រង់ៗថា លោកនឹងពេញចិត្ត ក្នុងការឃើញតារាឆ្នើមរបស់ក្រុមគូប្រជែង Tottenham Hotspur រូបនេះ ផ្ទេរមកកាន់ទឹកដី Emirates ជំនួសវិញ ។
ជាក់ស្តែង កីឡាករដែលលោក Keown ចង់សំដៅលើនោះ គឺខ្សែបម្រើ Pierre-Emile Hojbjerg ខណ:រូបគេបានផ្ទេរទៅចូលរួមជាមួយ Spurs នៅក្នុងឆ្នាំ ២០២០ ពីក្រុម Southampton ។ ហើយថ្មីៗនេះ កីឡាករសញ្ជាតិដាណឺម៉ាក កំពុងមានភាពរីកចម្រើនខ្លាំង និងថែមទាំងបានក្លាយជាកីឡាករសំខាន់បំផុតមួយ សម្រាប់ក្រុមរបស់លោក Conte ថែមទៀតផង ។
ទន្ទឹមនឹងការបង្ហាញសមត្ថភាពដ៏ល្អបែបនេះ លោក Keown បានបង្ហាញថាលោកពិតជាមានភាពសោកស្តាយ ដែលអតីតក្លិប Arsenal របស់ខ្លួន មិនបានចុះហត្ថលេខានាំយករូបគេមក បើទោះបី កាលពីពេលមុន ក្លិបធ្លាប់បានភ្ជាប់ទំនាក់ទំនងយ៉ាងខ្លាំងជាមួយខ្សែបម្រើរូបនេះក៏ដោយ ។
លើសពីនេះ លោក Keown បាននិយាយប្រាប់ទៅកាន់ BBC ថា ៖ ” កាត់ជាកីឡាករម្នាក់ ដែលខ្ញុំចង់ឱ្យមកលេងនៅ Arsenal ព្រោះខ្ញុំចូលចិត្តរបៀបលេងរបស់គាត់ខ្លាំងណាស់ ហើយខ្ញុំពេញចិត្តនូវអ្វីដែលគាត់បាននាំយកមកនៅលើទីលាន ” ៕
ប្រភព: Caughtoffside