គ្រូបង្គោល Gareth Southgate គួរតែអនុញ្ញាតសមាជិកសំខាន់មួយរូប សម្រាកក្នុងការប្រកួតចុងក្រោយទល់នឹងក្រុមជម្រើសជាតិវេលស៍ នេះបើយោងតាមការលើកឡើងរបស់អតីតប្រធានក្រុមអង់គ្លេស លោក Alan Shearer។
ខ្សែប្រយុទ្ធឆ្នើម Harry Kane ឈ្នះពានស្បែកជើងមាសកាលពី World Cup 2018 ដោយរកគ្រាប់បាល់បាន៦គ្រាប់ ក្នុងព្រឹត្តិការណ៍នោះ ហើយក្លាយជាកីឡាករអង់គ្លេសដំបូង ដែលបានកាន់ពាននេះ បន្ទាប់ពីអតីតខ្សែប្រយុទ្ធ Gary Lineker ដែលធ្លាប់ឈ្នះមុននោះ៣២ឆ្នាំ។
ប្រធានក្រុមតោកំណាចអង់គ្លេស Kane មិនមានការស៊ុតចំគោលដៅសូម្បីម្ដង ក្នុងជំនួបទល់នឹងអ៊ីរ៉ង់ ដែលពួកគេទទួលបានជ័យជម្នះ ៦-២ ហើយបន្ដគ្មានគ្រាប់បាល់ទល់នឹងអាមេរិក។
ហើយលោក Shearer យល់ឃើញថា ខ្សែប្រយុទ្ធ Collum Wilson របស់ Newcastle គួរលេងក្នុងជម្រើសដំបូងជំនួស Kane ទល់នឹងវេលស៍នាថ្ងៃអង្គារ ដើម្បីជួយបង្កើនលទ្ធភាពដល់ក្រុមរបស់លោក Southgate ដើម្បីអាចឡើងទៅកាន់វគ្គ១៦ក្រុមចុងក្រោយ។
លោក Shearer បាននិយាយថា៖ “ខ្ញុំមិនមានក្ដីបារម្ភចំពោះស្ថិតិនោះទេ, ព្រោះយើងដឹងពីអ្នកផ្ដល់តំណែងសម្រាប់ Harry លេងនៅក្នុងក្រុមអង់គ្លេសនេះ បើទោះបីជាគេមិនអាចរកគ្រាប់បាល់ដោយខ្លួនក៏ដោយ។ ប៉ុន្ដែពេលមើលគេលេងទល់នឹងអាមេរិក វាបង្ហាញអ្វីម្យ៉ាងដែលពុំសូវល្អ”។
“គេប្រឈមនឹងក្ដីបារម្ភចំពោះជង្គង់របស់គេ មុនពេលប្រកួតទល់អាមេរិក ប៉ុន្ដែបន្ទាប់ពីបានរួមចំណែកដ៏ធំ ក្នុងការប្រកួតទល់អ៊ីរ៉ង់ ជាមួយនឹងការបញ្ជូនពីរគ្រាប់ គេមើលទៅហត់នឿយ និងឈឺជើង”។
“វាអាចជាពេលត្រូវគិតពីការធ្វើឱ្យគេប្រសើរឡើងវិញ សម្រាប់ការប្រកួតវគ្គ knockout ហើយខ្ញុំមានអារម្មណ៍ថា Callum Wilson គួរតែលេងទល់នឹងវេលស៍ជំនួសវិញ”៕
ប្រភព៖ Live Score