ក្លឹបដឹកនាំដោយអ្នកចាត់ការលោក Carlo Ancelotti ហាក់ចង់ពង្រឹងបន្ថែមនៅតំបន់បម្រើ ហើយយមើលឃើញកីឡាករមានជំនាញស្រាប់នៅឯលីគអ៊ីតាលី Serie A ដោយបានត្រៀមកញ្ចប់ទឹកប្រាក់ដ៏ច្រើនសន្ធឹកដល់ ៧០ លានអឺរ៉ូឯណោះ។
នោះគឺកីឡាកររបស់ក្លឹប Lazio ខ្សែបម្រើ Sergej Milinkovic-Savic ដែលតាមដឹងគឺក្លឹបស្តេចស Madrid ធ្លាប់ចង់បានតាំងពី ជំនាន់គ្រូចាស់ Zinedine Zidane នៅដឹកនាំម្ល៉េះ។ ឥឡូវ Real ក៏ចង់បានជាថ្មី ដ្បិតកីឡាករជាប់កុងត្រាជាមួយក្លឹបអាណាព្យាបាលដល់ចុងខែមិថុនា ឆ្នាំ ២០២៤។
តាមរបាយការណ៍ BeSoccer ចុះផ្សាយ ក្លឹបកំពុងរៀបចំជជែក និងពិភាក្សាជាមួយភ្នាក់ងារម្តងទៀតហើយ ដ្បិតអីប្រធានក្លឹប លោក Florentino Perez ក៏បានព្រមបើកភ្លើងខៀវផងដែរ។ កីឡាករសញ្ជាតិស៊ែប៊ី រាប់ថាល្អគ្រប់គ្រាន់ នឹងអាចមកជំនួសតំណែង Toni Kroos ឬ Luka Modric នាពេលខាងមុខបាន។
ស្ថិតិ ២៥ ប្រកួតរដូវកាលនេះ Milinkovic-Savic ក៏រកបាន ៦ គ្រាប់និង Assist ៧ លើកផងដែរ ហើយនៅកាតារ ក្រុមកំពុងប្រជែងជាមួយជម្រើសជាតិដទៃ ដើម្បីបានទៅវគ្គ ១៦ ក្រុម World Cup។ បើផ្លាស់ទៅក្របខ័ណ្ឌ La Liga នោះរាប់ជាបទពិសោធន៍ថ្មីសន្លាង ដ្បិតកន្លងមកធ្លាប់តែឈរជើងឲ្យក្លឹបនៅស៊ែប៊ី បែលហ្សិក និងអ៊ីតាលីប៉ុណ្ណោះ៕
ប្រភព៖ BeSoccer