ជម្រើសជាតិអង់គ្លេស ដ្បិតបើនាំមុខមាន ៤ ពិន្ទុនៅក្នុងពូល B តែក៏មិនទាន់ធានា ១០០ ភាគរយដែរ ថានឹងអាចឡើងទៅវគ្គបន្ទាប់ ដ្បិតអីការប្រកួតក្នុងពូលសល់ ១ ជុំទៀត ម្ល៉េះលទ្ធផលនឹងអាចប្រែប្រួលគួរឲ្យភ្ញាក់ផ្អើលណាមួយក៏ថាបាន។
ងាកមក Jack Grealish ជាតារាឆ្នើមមួយរូប ក្រោមការដឹកនាំរបស់លោក Gareth Southgate បានបង្ហាញការយល់ឃើញ ពាក់ព័ន្ធនឹងជម្រើសជាតិដែលគួរឲ្យខ្លា.ចជាងគេនៅ World Cup 2022 នេះ តែមិនមែនជាអាហ្សង់ទីន, ព័រទុយហ្គាល់ ឬបារាំងជាក្រុមបានឡើងដំបូងគេអ្វីឡើយ។
ផ្ទុយទៅវិញគឺជាប្រេស៊ីល ដែលក្រុមដឹកនាំដោយលោក Tite ត្រៀមត្រូវប៉ះស្វីសនៅរាត្រីនេះ ហើយបើឈ្នះក៏នឹងបានឡើង ១០០ ភាគរយទៅកាន់វគ្គបន្ទាប់។ ខ្សែប្រយុទ្ធរបស់ក្លឹប Man City និយាយប្រាប់ប៉ុស្តិ៍ talkSPORT៖ “ខ្ញុំបានទស្សនាការប្រកួតទាំងអស់និយាយស្មោះត្រង់ទៅ ព្រោះយើងមានអេក្រង់បង្ហាញការទស្សនាគ្រប់កន្លែងនៅសណ្ឋាគារ ម្ល៉េះយើងមានភាពរីករាយជារៀងរាល់ថ្ងៃ”។
លោកបន្ត៖ “ខ្ញុំក៏មើល Messi លេងទល់ម៊ិកស៊ីកូ ដែលពិតជាអស្ចារ្យ ដូចគ្នានឹង Mbappe ធ្វើបានឲ្យបារាំង និយាយទៅមានក្រុមល្អច្រើនណាស់ តែបើសួរក្រុមខ្ញុំចាប់អារម្មណ៍បំផុត អាចថាជាការគំរា.មខ្លាំងបំផុត គឺជាប្រេស៊ីល”៕
ប្រភព៖ Metro