ថ្មីៗនេះ អតីតកីឡាករ លោក Roy Keane បានបង្ហាញប្រាប់ពីឈ្មោះក្រុមជម្រើសជាតិមួយ ដែលខ្លួនយល់ឃើញថា នឹងមានភាគរយច្រើនជាង ក្នុងការឈ្នះពានរង្វាន់ World Cup ឆ្នាំ ២០២២ នេះ នៅមុនពេលការប្រកួតរវាងក្រុមអាហ្សង់ទីន និងបារាំង នៅក្នុងវគ្គផ្តាច់ព្រ័ត្រ នាយប់ថ្ងៃអាទិត្យខាងមុខ ។
ជាក់ស្តែង បារាំង កំពុងសម្លឹងរកមើលឱកាស ដើម្បីអាចក្លាយជាក្រុមជម្រើសជាតិដំបូង ដែលអាចរក្សាតំណែងជើងឯករបស់ខ្លួន ២ លើកជាប់គ្នា ក្នុងរយ:ពេល ៦០ ឆ្នាំចុងក្រោយ បន្ទាប់ពីបានយកឈ្នះទៅលើក្រុមម៉ារ៉ុក អង់គ្លេស និងប៉ូឡូញ នៅវគ្គជម្រុះ ក្នុងប្រទេសកាតា។
ដោយឡែកសម្រាប់អាហ្សង់ទីនវិញ ក៏កំពុងរក្សាក្តីសង្ឃឹមរបស់ពួកគេ ក្នុងការឈ្នះពានរង្វាន់ World Cup ជាលើកដំបូងផងដែរ ក្រោយខកខាអស់រយ:ពេលជាច្រើនឆ្នាំមកហើយនោះ បន្ទាប់ពីបានឈ្នះទៅលើក្រុមក្រូអាត ហូឡង់ និងអូស្រ្តាលី ដើម្បីឡើងមកកាន់វគ្គផ្តាច់ព្រ័ត្រនេះ ។
ហើយយ៉ាងណាមិញ អតីតប្រធានក្រុមបិសាចក្រហម Man Utd លោក Keane បានបង្ហាញការជឿជាក់ថា វត្តមានរបស់ Messi នឹងធ្វើឱ្យអាហ្សង់ទីន ក្លាយជាក្រុមដែលមានភាគរយខ្ពស់ជាងបារាំងបន្តិច ដើម្បីសម្រេចក្តីសង្ឃឹមក្នុងការឈ្នះពាន នៅឆ្នាំនេះ ។
លើសពីនេះ លោក Keane បានប្រាប់ទៅកាន់ ITV Football ថា ៖ ” វានឹងក្លាយជាការប្រកួតវគ្គផ្តាច់ព្រ័ត្រដ៏គួរឱ្យចាប់អារម្មណ៍ខ្លាំងបំផុត។ ប៉ុន្តែ អាហ្សង់ទីន ហាក់ជាក្រុមមានប្រៀបជាងបន្តិច ជាពិសេសថាមពលនៅក្នុងក្រុមនោះ និងវត្តមានរបស់ Messi នៅទីនោះផងដែរ ” ៕
ប្រភព: Metro