Angel di Maria បានបង្ហាញភាពលេចធ្លោនៅក្នុងការប្រកួតផ្ដាច់ព្រ័ត្រ FIFA World Cup ដោយការរកគ្រាប់បាល់បើកឆាកសម្រាប់ក្រុមជម្រើសជាតិអាហ្សង់ទីន ប៉ុន្ដែជាករណីផ្ទុយស្រលះសម្រាប់ Ousmane Dembele។ខ្សែប្រយុទ្ធស្លាបរបស់ក្លិប Barcelona ជាចំណែកដ៏សំខាន់សម្រាប់ក្រុមបារាំងដឹកនាំដោយគ្រូបង្គោល Didier Deschamps នៅក្នុងព្រឹត្តិការណ៍ World Cup ឆ្នាំនេះ ប៉ុន្ដែគេលេងមិនបានល្អនោះទេ នៅក្នុងវគ្គផ្ដាច់ព្រ័ត្រ ហើយត្រូវបានប្ដូរចេញមុនចប់វគ្គទី១។
ហើយសារព័ត៌មាននៅបារាំង បានចុះផ្សាយវាយប្រ.ហារចំៗទៅលើ អតីតយុវជនឆ្នើមរបស់ Borussia Dortmund រូបនេះ ដែលធ្វើឱ្យក្រុមមាន់គកបារាំង ខកឱកាសក្នុងការរក្សាតំណែងជើងឯក។
សារព័ត៌មាន L’Equipe បានសរសេរថា រយៈពេល៤០នាទីរបស់ Dembele ពិតជាគួរឱ្យអា.ម៉ាស់ នៅក្នុងវគ្គផ្ដាច់ព្រ័ត្រ World Cup ដោយបានបង្កកំហុសលើ Di Maria នៅក្នុងប្រអប់ ដែលនាំអាហ្សង់ទីន មានគ្រាប់បាល់នាំមុខ។
ដោយឡែក RMC Sport បានសរសេរថា គេស្ថិតនៅក្នងស្រមោលរបស់ខ្លួនឯង។ គេមានអារម្មណ៍ភ័យខ្លាចនៅពេលគ្រប់គ្រងបាល់។ ហើយវាពិតជាសមហេតុផល ដែលគេត្រូវបានជំនួសដោយ Kolo Muani។
ហើយអ្នកគាំទ្រក្រុមបាល់ទាត់ជម្រើសជាតិបារាំង យល់ឃើញថា Dembele ធ្លាក់ចុះសមត្ថភាព នៅពេលដែលក្រុមជម្រើសជាតិបារាំង ត្រូវការរូបគេបំផុត៕
ប្រភព៖ Be Soccer