ខ្សែការពារកណ្ដាល Milan Skriniar របស់ក្លិលប Inter Milan ដែលជាកីឡាករគោលដៅក្លិប Paris Saint-Germain ចង់បាន ពេលនេះទទួលបានការចាប់អារម្មណ៍ពីសំណាក់ក្លិបធំពីរនៅអង់គ្លេស គឺ Tottenham Hotspur និង Liverpool។
Skriniar បានចូលរួមក្លិប Inter Milan ក្នុងរដូវក្ដៅឆ្នាំ ២០១៧ ពីក្លិប Sampdoria ហើយបានជួយពួកគេឈ្នះជើងឯក Serie A ប៉ុន្ដែពេលនេះ គេបានឈានដល់ឆ្នាំចុងក្រោយនៃកុងត្រាជាមួយក្លិបអ៊ីតាលី ខណៈដែលក្លិប PSG រំពឹងថាអាចយករូបគេទៅចូលរួម ដោយពុំមានតម្លៃផ្ទេរ។
យោងតាមប្រភពពី Team Talk បានរាយការណ៍ថា Liverpool និង Tottenham បានចូលរួមប្រជែងជាមួយក្លិប ម្ចាស់ជើងឯកលីគកំពូលបារាំង។
នៅពេលត្រូវបានសួរពីអនាគតរបស់ខ្លួន Skriniar បាននិយាយថា៖ “ខ្ញុំមិនដែលនិយាយដែលបាននិយាយអ្វីទេ ហើយខ្ញុំនៅតែរក្សាបែបនេះដដែល។ យើងមកទីនេះ ដើម្បីលេងនៅក្នុងការប្រកួត ហើយខ្ញុំមិនចង់និយាយពីអនាគត ឬកុងត្រារបស់ខ្ញុំទេ ព្រោះវាមិនមែនជាពេល និងកន្លែងត្រូវនិយាយឡើយ”៕
ប្រភព៖ Sportmob