ឆ្លើយតបតាមសំណើរបស់ប្រធានសមាគមបាល់ទាត់ពិភពលោក FIFA គឺលោក Gianni Infantino ពេលនេះរកបានប្រទេសដំបូង ដែលព្រមព្រៀងក្នុងការកែឈ្មោះកីឡដ្ឋាន ដើម្បីឧទ្ទិ.សទៅដល់វីរបុរស Pele ទទួលមរណៈ.ភាពកាលពីចុងខែធ្នូកន្លងទៅ។
គោលបំណងរបស់ FIFA គឺចង់ឲ្យបណ្តាប្រទេសទាំងអស់ ក្នុងលោក ចូលរួមលើកឈ្មោះ Pele ឲ្យកូនចៅជំនាន់ក្រោយបានស្គាល់ ហើយតាមរយៈសំណើរបស់ Infantino ពេលនេះ ប្រទេសនៅអាហ្រ្វិក Cape Verde បានក្លាយជាប្រទេសដំបូង យល់ព្រមតាមបំណងខាងលើ។
នាយករដ្ឋមន្រ្តីនៃប្រទេស Cape Verde លោក Ulisses Correia e Silva បានបញ្ជាក់ថា នឹងកែប្រែកីឡដ្ឋានជាតិ Estadio Nacional de Cabo Verde ទៅជា “Pele Stadium” ចាប់ពីពេលខាងមុខតទៅ។ កីឡដ្ឋាននេះអាចផ្ទុកអ្នកទស្សនាបាន ១៥ ០០០ នាក់ ហើយលោកជឿជាក់ថាប្រទេសដទៃទៀត នឹងចាប់ផ្តើមដើរគន្លងនេះតាម ព្រោះ Pele គឺជានិមិត្តរូបនៃបាល់ទាត់។
គួរឲ្យចងចាំដែរថា Pele គឺជាកីឡាករតែមួយរូបគត់ ក្នុងលោក ដែលបានឈ្នះពានរង្វាន់ FIFA World Cup ដល់ទៅ ៣ លើក ដ្បិតកីឡាករចាស់ថ្មីដទៃ ឈ្នះអស់ធំត្រឹម ២ លើកប៉ុណ្ណោះ។ ស្ថិតិបង្ហាញខ្លួនឲ្យក្លឹបប្រេស៊ីល Santos នៅ ៦៣៦ ប្រកួត ក៏អាចករបាន ៦១៨ គ្រាប់ នេះមិនទាន់បូកស្ថិតិគ្រាប់បាល់ឲ្យក្លឹបអាជីពដទៃផង៕
ប្រភព៖ Sportbible