Ian Wright អតីតជើងចាស់ Arsenal បានណែនាំទៅកាន់អ្នកចាត់ការលោក Erik ten Hag ថាគួរតែទម្លាក់កីឡាករតម្លៃ ៨២ លានផោនគឺ Antony ចោលសិនទៅ ដ្បិតអីគួរប្រើប្រាស់ Alejandro Garnacho ជំនួសវិញ នៅតំណែងប្រយុទ្ធស្លាប បន្ទាប់មើលឃើញការបរាជ័យក្រោមថ្វីជើង ២-៣ ទល់កាំភ្លើ.ងធំកាលពីថ្ងៃមុន។
ជាការពិតកីឡាករប្រេស៊ីល ហាក់ធ្វើមិនបានល្អទាល់តែសោះ ទាំងបច្ចេកទេសនៃការបណ្តើរបាល់ ការបង្កើតឱកាស ជាពិសេសនៅឆ្នាំ ២០២៣ ហាក់ធ្លាក់ជើងខុសពីការផ្ទេរចូលដំបូងៗ។ ងាកទៅ Garnacho គុណភាពយុវជនសញ្ជាតិអាហ្សង់ទីន ដ្បិតបម្រុងច្រើនជាងជាប់ជម្រើសដំបូង ក៏គេនៅឆ្លៀតអាចរកបាន ២ គ្រាប់និង ២ Assist។
ទៅមើលការយល់ឃើញរបស់លោក Wright បាននិយាយ៖ “ខ្ញុំវិញនឹងដាក់ប្រើប្រាស់ Garnacho ហើយ ព្រោះអីខ្ញុំអត់ទាន់ឃើញផលល្អកើតចេញពី Antony ផង ទទួលស្គាល់គ្រាប់បាល់នៅការបង្ហាញខ្លួនដំបូងរបស់គេ [ទល់ Arsenal ជើងទី ១] តែខ្ញុំមិនទាន់ឃើញភាពគ្រប់គ្រាន់កើតចេញពីគេនោះទេ”។
លោកបន្តថា៖ “ខ្ញុំគិតថា Garnacho គួរតែទទួលបានឱកាសជម្រើសដំបូង ជាពិសេសគេល្អណាស់ត្រង់ការលេង ១ ទល់ ១ គេល្អនៅស្ថានភាពបែបហ្នឹង ដែលអាចយកឈ្នះទៅលើគូប្រជែងបាន ម្ល៉េះគួរតែទទួលបានពេលវេលា”៕
ប្រភព៖ Metro