ក្លឹបសារិកាព្រៃ Newcastle United នៅប៉ុន្មានរដូវកាលចុងក្រោយ ពោលចាប់តាំងការឡើងកាន់តំណែងរបស់ម្ចាស់ថ្មីជាសម្ព័ន្ធយក្សនៅអារ៉ាប៊ីសាអូឌីត ឃើញថាធ្វើបានល្អច្រើន ទាំងគុណផលលើទីលាន និងសមិទ្ធផលនាំចូលកីឡាករ សុទ្ធតែមានខ្ទង់ចំណាយដ៏ក្រាស់ក្រែល។
ងាកមករដូវកាលនេះវិញ នៅ Premier League កំពុងឈរចំណាត់ថ្នាក់ ដែលអាចកក់កៅអី Champions League រដូវកាលបន្ទាប់ ស្របពេលពានក្នុងស្រុក EFL Cup កាលពីយប់មិញ ពួកគេបានយកឈ្នះទៅលើ Southampton ជាក្តីសង្ឃឹមអាចរក្សាកៅអីវគ្គផ្តាច់ព្រ័ត្រទៀតផង។
ការយកឈ្នះ ១-០ នៅជើងទី ១ វគ្គ ៤ ក្រុម ផ្តល់ក្តីសង្ឃឹមឲ្យក្លឹបលោក Eddie Howe អាចសង្ឃឹមនឹងត្រូវទៅតតាំងរវាង Nottingham Forest ឬ Manchester United នៅវគ្គផ្តាច់ព្រ័ត្រខាងមុខ។ ចុះអ្នកមានឆ្ងល់ទេថា តើក្លឹបសារិកាព្រៃខកខានឈ្នះពានរង្វាន់ផ្លូវការប៉ុន្មានឆ្នាំហើយ?
ជាការពិតគឺតាំងឆ្នាំ ១៩៥៥ មកម្ល៉េះ ជាលើកចុងក្រោយក្លឹបសេះសមុទ្រមួយនេះ បានលើកពាន គ្រានោះ យកឈ្នះទៅលើ Manchester City៣-១ នាវគ្គផ្តាច់ព្រ័ត្រ ពាន FA Cup។ ម្ល៉េះហើយបើឈ្នះនៅឆ្នាំ ២០២៣ រាប់ថា ជាការឈ្នះ ក្រោយខកខានអស់រយៈកាល ៦៨ ឆ្នាំ។ បញ្ជាក់នេះយើងមិនរាប់ពានលីគលំដាប់ទីពីរ ឬពានមិត្តភាពចូលឡើយ៕
ប្រភព៖ Sportingnews