ក្លឹបបិសាចក្រហម Manchester United បានយកឈ្នះទៅលើ Real Betis សម្រេចបានកៅអីឆ្ពោះមកកាន់វគ្គ ៨ ក្រុម Europa League ហើយលទ្ធផលចាប់ឆ្នោតនឹងធ្វើឡើងនៅយប់ថ្ងៃសុក្រនេះ ដើម្បីសម្រេចថាក្រុមដឹកនាំដោយលោក Erik ten Hag នឹងត្រូវប៉ះគីឡូក្លឹបបង្គួរឬធ្ងន់ណា។
ដោយឡែកងាកមកមតិយល់ឃើញជាមុនរបស់ជើងចាស់ លេងតំណែងបម្រើ Paul Scholes បានឲ្យដឹងថា សព្វថ្ងៃរបៀបលេងរបស់ United គឺពិតណាស់ចង់ឲ្យប៉ះរបស់ពិត ជួបគីឡូធ្ងន់ដូច Juventus ឬ AS Roma ក៏បានដែរ អត់ចង់ឲ្យប៉ះក្លឹបផ្សេងទេ។
លោក Scholes ប្រាប់ទៅ BT Sport៖ “ខ្ញុំតែងតែចង់បានប្រកួតធំ ហើយពេញចិត្តនឹងទស្សនាប្រកួតធំនៅ Old Trafford យល់ថានេះវាមិនធំដល់ Champions League តែនៅ Europa បើយើងមើលប្រវត្តិរបស់ Juventus គឺមិនណយឡើយ ដូច្នេះសម្រាប់ខ្ញុំចង់ឲ្យប៉ះ Juventus ឬ Roma”។
ជាការពិតបើជួបក្លឹបអ៊ីតាលី AS Roma នោះនឹងតតាំ.ងអតីតអ្នកចាត់ការធ្លាប់ដឹកនាំបិសាចផ្ទាល់គឺ Jose Mourinho ម្ល៉េះនឹងល្អមើលមិនខានឡើយ។ ក្រៅតែពីភាគរយអាចប៉ះក្លឹបទាំងពីរខាងលើ ក៏មាន ៥ ក្លឹបផ្សេងទៀតដូចជា Sporting Lisbon, Sevilla, Feyenoord, Bayer Leverkusen និង Union Saint-Gilloise៕
ប្រភព៖ Metro