ថ្មីៗនេះ ប្រធានក្លិប Lyon លោក Jean-Michel Aulas បានបង្ហើបប្រាប់ឱ្យដឹងថា លោកនឹងមិនបោះបង់ចោលនូវក្តីស្រមៃដ៏ធំរបស់ខ្លួន ដើម្បីនាំយកតារាឆ្នើមរបស់ក្លិប Real Madrid ម្នាក់ មកបញ្ចប់អាជីពរបស់គេ នៅទឹកដីបារាំង ។
ជាក់ស្តែង កីឡាករម្នាក់នោះ គឺ Karim Benzema បន្ទាប់ពីខ្សែប្រយុទ្ធរូបនេះ បានក្លាយជាគោលដៅដ៏ធំមួយសម្រាប់ក្រុម Lyon អស់រយ:ពេលជាយូរណាស់មកហើយ ប៉ុន្តែយ៉ាងណាក៏ដោយ ខ្សែប្រយុទ្ធវ័យ ៣៥ ឆ្នាំរូបនេះ បានបញ្ជាក់យ៉ាងច្បាស់រួចរាល់ហើយ ថាគេចង់ចូលនិវត្តន៍ជាមួយក្លិប Real Madrid ជាង ។
ប៉ុន្តែបើទោះបីជាមានការលើកឡើងបែបនេះក្តី ប្រធានក្លិប Lyon លោក Aulas បានបញ្ជាក់ថា លោកនឹងមិនព្រមបោះបង់ចោល ការព្យាយាម ក្នុងការនាំយក Benzema មកកាន់ក្លិបរបស់ខ្លួនវិញនោះឡើយ ខណ:ពេលដែលកុងត្រាបច្ចុប្បន្នរបស់កីឡាកររូបនេះ ជាមួយក្លិបយក្សអេស្ប៉ាញ ក៏កាន់តែខិតជិតបញ្ចប់ផងនោះ ។
លើសពីនេះ លោក Aulas បាននិយាយថា ៖ ” ខ្ញុំមានក្តីស្រមៃចង់ឃើ្ Benzema ត្រលប់មក Lyon វិញ ប៉ុន្តែវាហាក់ជារឿងស្មុគស្មាញបន្តិច។ យើងនឹងព្យាយាមចុះហត្ថលេខាលើគាត់។ ប្រសិនបើយើងមានលទ្ធភាព និងឱកាសតិចតួចប៉ុណ្ណា យើងនឹងត្រូវតែសាងល្បង។ គាត់ជានិមត្តិរូបរបស់ក្លិបយើង ” ៕
ប្រភព: Besoccer