Cristiano Ronaldo បាននិយាយនៅក្នុងសន្និសីទសារព័ត៌មាន ក្រោយត្រូវបានកោះហៅចូលក្រុមបាល់ទាត់ជម្រើសជាតិព័រទុយហ្កាល់ មុនពេលប្រកួតទល់នឹងលិចតេនស្ដាញ។
ខ្សែប្រយុទ្ធវ័យ៣៨ឆ្នាំរូបនេះ បាននិយាយរៀបរាប់អំពីបទពិសោធដ៏លំបាករបស់ខ្លួន ពេលចែកផ្លូវគ្នាជាមួយ Manchester United ហើយពេលនេះគេស្ថិតនៅក្នុងស្ថានភាពល្អប្រសើរនៅក្លិបថ្មី Al–Nassr។
គូស្នេហ៍របស់កីឡាករព័រទុយហ្កាល់, Georgina Rodriguez បាននិយាយក្នុងសម្ភាសន៍ជាមួយ El Hormiguero កាលពីថ្ងៃអង្គារ ដោយបានច្រានចោលចចាមអារ៉ាមពាក់ព័ន្ធក្លិបមួយនៅអឺរ៉ុប។
ម៉ូដែលជនជាតិអាហ្សង់ទីនរូបនេះ បានបដិសេធចំពោះដំណឺងដែល Ronaldo មានការភ្ជាប់ជាមួយ Atletico Madrid ដែលជាគូប្រជែងរួមទីក្រុងជាមួយអតីតក្លិបរបស់ម្ចាស់ពាន Ballon d’Or ៥សម័យ Real Madrid។
Georgina បាននិយាយថា៖ “តើមានការព្រមព្រៀងចុះហត្ថលេខាជាមួយ Atletico មែនទេ? ជម្រើសនោះ មិនស្ថិតនៅក្នុងគំនិតរបស់គាត់ឡើយ”៕
ប្រភព៖ Be Soccer