តារាឆ្នើមចាស់វស្សា Zlatan Ibrahimovic វាសនាកំណត់មកហើយទេដឹង ថាមិនឲ្យកាន់ពាន Champions League ជាក់ស្តែងក្នុងមួយអាជីពស្គាល់តែជាតិ Europa ដល់តែមកដល់រដូវកាលនេះ ក្តីសង្ឃឹមនៅនឹងមុខ ដ្បិតជាមួយក្លឹប AC Milan ឡើងដល់វគ្គ ៤ ក្រុម ក៏ពុំបានជាឱកាសសម្រាប់កីឡាករស៊ុយអែតនោះដែរ។
ប្រសិនណាជាក្លឹបស្ថិតក្នុងទីក្រុង Milan អាចឆ្លងផុតគូប្រជែងរួមកីឡដ្ឋានតែមួយគឺ Inter នៅវគ្គ ៤ ក្រុម ហើយបន្តទៅវគ្គផ្តាច់ព្រ័ត្រ យកឈ្នះរវាង Real Madrid ឬ Manchester City ដល់សម្រេចក្លាយជាម្ចាស់ពានរង្វាន់ នោះក៏ខ្សែប្រយុទ្ធវ័យ ៤១ ឆ្នាំ នឹងមិនបានបំពាក់មេដាយមាស ឬមេដាយពានរង្វាន់នោះដែរ។
ក៏ដោយសារតែវាជួនពេលកន្លងមក Zlatan ជួបបញ្ហារបួស ហើយឱកាសបញ្ចូលឈ្មោះទៅក្នុងបញ្ជីកីឡាករត្រូវមកចូលរួមនៅ UCL ទាំងពីរលើក នាខែកញ្ញា និងខែកុម្ភៈ គឺក្លឹបខកខាន មិនបានដាក់ឈ្មោះលោកព្រះទាំងពីរសារ។ បែបនេះ គឺអស់ឱកាសហើយ ដោយក្លឹបឈ្នះ ក៏ពុំរាប់ចូលចំណែកលោកដែរ។
រំឭកឲ្យដឹងថា មុននោះ អតីតសមាជិក Man Utd/PSG បានសម្រាកព្យាបាលរបួសជង្គង់អស់រយៈពេលច្រើនខែ ទើបតែដល់ខែកុម្ភៈ ហួសការប្រកួត UCL វគ្គ ១៦ ក្រុមទៅហើយ ទើប Zlatan ត្រលប់ចូលទីលានវិញ បែបនេះ វាហួសពេលបន្តិច ធៀបនឹងកាលបរិច្ឆេទបញ្ជូនឈ្មោះកីឡាករទៅកាន់សមាគមបាល់ទាត់អឺរ៉ុប៕
ប្រភព៖ SportBible