បច្ចុប្បន្នខ្សែការពារស្លាប Joao Cancelo ហាក់មិននឹងនជាមួយ Bayern Munich ឬសូម្បីការវិលទៅក្លឹបអាណាព្យាបាល Manchester City នៅរដូវក្តៅខាងមុខ ពោលអាចនឹងមានការផ្ទេរទៅក្លឹបដទៃផ្សេងទៀត ហើយក្នុងចំណោមនោះ ក៏រួមមាន Arsenal ស្ថិតក្នុងចចាមអារ៉ាមពាក់ព័ន្ធផងដែរ។
យ៉ាងណាលើកឡើងជាមុន អំពីការយល់ឃើញរបស់អ្នកវិភាគលើកាសែត The Guardian គឺលោក Jonathan Wilson បានបញ្ចេញមតិថា វត្តមាន Cancelo ប្រសិនពិតមកចុះចូលនៅកាំភ្លើងធំសម្រេចមែន គឺនឹងនាំផលលំបាក ឬបញ្ហាដល់ Gabriel Martinelli នៅតំបន់ប្រយុទ្ធស្លាបខាងលើជាក់ជាមិនខាន។
លោកធ្វើការពន្យល់ដោយលម្អិត៖ “ខ្ញុំគិតថា Grealish គេមើលទៅល្អជាងមុន ពោលល្អជាងពេល Cancelo នៅ ដោយត្រង់ថា ការដែលមានកីឡាករខាងក្រោមតាមប្រដេញគាត់មកខាងលើរហូត វាមិនមែនជាអ្វីគាត់ធ្លាប់លេងនៅ Villa ទេ”។
លោកបន្ត៖ “គេមើលទៅរីករាយជាង ពេលគ្មាន Cancelo ហើយនេះ John Stones មកលេងកន្លែងនោះ គឺគេលេងការពារក្រោម ជាងការរត់ឡើងទៅលើ”។ មតិនេះចង់ថា កីឡាករព័រទុយហ្គាល់លេងការពារមែនពិត តែសម្រុករកតែតំណែងប្រយុទ្ធ នាំឲ្យអ្នកលេងស្លាបខាងលើ អត់មានបាល់លេងពេញជើង៕
ប្រភព៖ SportBible