ខ្សែប្រយុទ្ធកំពុងស្ថិតក្នុងលក្ខខណ្ឌខ្ចីជើងជាមួយតោខៀវ Chelsea គឺ Joao Felix ត្រូវបានរាយការណ៍ ហាក់កំពុងចង់បន្តនៅក្លឹបបច្ចុប្បន្នតទៅមុខទៀត បើទោះបីតាមកុងត្រាត្រូវសេសសល់ត្រឹមចុងខែមិថុនាខាងមុខ កំណត់វិលទៅក្លឹបអាណាព្យាបាល Atletico Madrid ក្នុងប្រទេសអេស្ប៉ាញ។
មិនទាន់ច្បាស់ថាក្លឹបអង់គ្លេសនឹងគិតគូរទិញផ្តាច់កីឡាករព័រទុយហ្គាល់ ឬស្នើខ្ចីជើងបន្តមួយរដូវកាលអ្វីទៀតឡើយ តែបើតាមហាងឆេង យុវជនវ័យ ២៣ ឆ្នាំ ល្បាក់តម្លៃខ្លួន ៥០ លានអឺរ៉ូទាបបំផុត។
នៅបទសម្ភាសន៍ជាមួយសារព័ត៌មាន The Secret Scout ខ្សែប្រយុទ្ធ Felix បានលើកឡើង៖ “ខ្ញុំអត់ទាន់ច្បាស់អំពីអនាគតបែបណាទេ តែរយៈពេលឆ្លងកាត់ ៤ ឬ ៥ ខែមកនេះ ខ្ញុំពិតជារីករាយចិត្តជាខ្លាំង នេះគឺជាក្លឹបកំពូលមួ គ្រប់គ្នានៅក្លឹបពិតជាល្អដាក់ខ្ញុំ មិត្តរួមក្រុមគឺពិតជាមិនគួរឲ្យ ខ្ញុំពិតជាចង់បន្តនៅតទៅទៀត”។
គួរឲ្យដឹងថាកន្លះរដូវកាលខ្ចីជើងដែល Felix មកចូលរួម ស្ថិតិជាមួយក្លឹបម្ចាស់ដី Stamford Bridge គេបង្ហាញខ្លួន ១៨ ប្រកួត រកបាន ៣ គ្រាប់។ នេះបើបន្តនៅ គឺមិនបានលេងពានរង្វាន់អឺរ៉ុបណាមួយឡើយ តែបើវិលទៅ AT គឺបានកៅអី UCL៕
ប្រភព៖ BeSoccer