ខ្សែបម្រើអេស្ប៉ាញ Isco Alarcon បានសើរើថយក្រោយទៅដំណើរចាកចេញពី Real Madrid ដែលយល់ឃើញថា វាជាការចាកចេញដ៏លំបាកមួយ ដ្បិតអតីតក្លឹបរាប់ជាក្លឹបយក្សធំបំផុតក្នុងលោក ហើយបន្តការផ្ទេរមកក្លឹបរួមលីគ Real Betis ទល់សព្វថ្ងៃ។
កីឡាករវ័យ ៣១ ឆ្នាំ បាននិយាយប្រាប់សារព័ត៌មាន Canal Sur យ៉ាងដូច្នោះថា៖ “ខ្ញុំទទួលអារម្មណ៍ថាត្រូវតែចាកចេញពី Real Madrid បន្ទាប់មានចិត្តគិតឃើញវាលែងជាផ្ទះ ជាកន្លែងរបស់ខ្ញុំតទៅទៀត តែយ៉ាងណាការចាកចេញពីក្លឹបធំបំផុតក្នុងលោក គឺពិតជាស្មុគស្មាញ”។
លោកបន្ត៖ “តែយ៉ាងណាគ្រប់យ៉ាងវាតែងតែជាការសម្រេចចិត្តដែលត្រូវប្រឈម ខ្ញុំចាយពេល ៩ ឆ្នាំនៅ Real Madrid ក៏ប៉ុន្តែប៉ុន្មានឆ្នាំចុងក្រោយគឺផ្សេង ខុសពី ៥ ឬ ៦ ឆ្នាំដែលខ្ញុំរាប់ជាឆ្នាំល្អ ជាមួយការលេងដ៏ល្អ និងឈ្នះពានរង្វាន់ជាច្រើន”។
រំឭកអំពីស្ថិតិជាមួយក្លឹប Betis សព្វថ្ងៃ ឈរជើង ១១ ប្រកួតសរុប ក៏រកបាន ២ គ្រាប់និង Assist ១ លើកហើយដែរ នេះទន្ទឹមសុពលភាពកុងត្រាសេសសល់ដល់ចុងខែមិថុនា ឆ្នាំ ២០២៤។ យ៉ាងណាគេជឿ ថានឹងមានការបន្តលើសពីនោះទៀត ស្របពេល Isco ក៏ជាចំណែកធំ ជំរុញគុណភាពក្លឹបមួយនេះ ឲ្យឈរលេខ ៧ ហើយនៅ La Liga៕
ប្រភព៖ BeSoccer