កាលពីយប់មិញក្លឹបមាន់ខ្នាយមាស Tottenham Hotspur បានយកឈ្នះ ២-១ ទៅលើ Crystal Palace ដែល ៣ ពិន្ទុសារនេះកាន់តែសំខាន់រុញឲ្យពួកគេនាំមុខដាច់នៅចំណាត់ថ្នាក់កំពូលតារាង Premier League ដល់ទៅ ៥ ពិន្ទុឯណោះ។
នេះ ១០ ប្រកួតក្នុងលីគដំបូងក្រោមការដឹកនាំរបស់គ្រូថ្មីសញ្ជាតិអូស្រ្តាលីលោក Ange Postecoglou វាជាចំនួនពិន្ទុធ្វើបានច្រើនបំផុតឥតធ្លាប់មានក្នុងប្រវត្តិសាស្រ្តលីគកំពូល ពោលមានដល់ទៅ ២៦ ពិន្ទុ បន្ទាប់ការឈ្នះ ៨ ស្មើ ២ និងមិនទាន់ស្គាល់បរាជ័យសូម្បីមួយ។
ដោយឡែកការនាំមុខ ៥ ពិន្ទុពីលើ Man City និង Arsenal [សល់មួយជុំក្នុងដៃ] ក៏ជាខកខានកើតមានតាំងឆ្នាំ ១៩៦១ វាជាពេលវេលាលើកចុងក្រោយ ពួកគេកាន់ពាន Premier League ហើយខកខានមកទល់សព្វថ្ងៃ។ ជ័យជម្នះលើឥន្រ្ទីយ៍ Cystal នៅតែអរគុណជាពិសេសដល់ចំណែកធំរបស់ James Maddison និង Son Heung-min ដែលចូលរួមក្នុងគ្រាប់បាល់យកឈ្នះទាំងពីរ។
ប្រកួតបន្តបន្ទាប់ពួកគេត្រូវបន្តទៅប៉ះ Chelsea ក្នុងដីខ្លួនឯង មុនជួបចចក Wolves នៅក្រៅដី។ នេះបើអាចកាន់ពាន Premier League ដូចការគ្រោងទុក អ្នកសោកស្តាយបំផុតគឺ Harry Kane ដែលគេចាកចេញនៅរដូវកាលដំបូងពីក្លឹបកាន់ឆ្នាំ ទៅកាន់ក្លឹបថ្មី ក៏អតីតក្លឹបចាស់ស្គាល់ជាតិកាន់ពាន ខ្លួនរង់ចាំអស់ជាច្រើនឆ្នាំភ្លែត៕
ប្រភព៖ Goal