ខ្សែប្រយុទ្ធវ័យក្មេង Ansu Fati ត្រូវបានគេរាយការណ៍មកថា បានត្រៀមខ្លួនរួចហើយ ក្នុងការវិលត្រលប់ទៅកាន់ក្លិប Barcelona វិញ នៅរដូវកាលក្រោយនេះ ។
ជាក់ស្តែងកីឡាករវ័យ ២១ ឆ្នាំរូបនេះបានចាកចេញពីក្លឹបកាតាឡាន់ក្នុងលក្ខខ័ណ្ឌខ្ចីជើង អំឡុងទីផ្សារដោះដូរកន្លងទៅ ជាមួយនឹងការផ្ទេរទៅកាន់ក្លិប Brighton & Hove Albion នៃក្របខ័ណ្ឌ Premier League។
គួរឲ្យដឹងថា Fati នឹងត្រូវត្រលប់ទៅ Barcelona វិញ នៅចុងបញ្ចប់រដូវកាលនេះ ខណ:ពេលដែលគេមានកុងត្រាជាមួយក្លិបជើងឯក La Liga រហូតដល់ខែមិថុនា ឆ្នាំ ២០២៧ ឯណោះ។
យ៉ាងណាមិញ យោងតាមសារព័ត៌មាន SPORT បានបង្ហាញថាកីឡាករសញ្ជាតិអេស្ប៉ាញរូបនេះ មានបំណងចង់បន្តអាជីពរបស់ខ្លួនជាមួយក្លឹបយក្សកាតាឡាន់ ដោយសង្ឃឹមថានឹងអាចទទួលបានឱកាសលេងច្រើន នៅរដូវកាលក្រោយ។
តែទោះជាយ៉ាងណាក៏ដោយ ប្រភពដដែលនេះ បានអះអាងថា ដោយសារតែបញ្ហាហិរញ្ញវត្ថុ នោះក្លិប Barca អាចនឹងពិចារណាទទួលយកសំណើណាមួយប្រសិនបើមានការផ្តល់ជូនសមរម្យនោះ៕
ប្រភព: Sportsmole