ក្លឹប Stade Rennais បានប្រកាសកិច្ចព្រមព្រៀងផ្ទេរចេញ Nemanja Matic ដែលមានវ័យ ៣៥ ឆ្នាំទៅហើយ ទៅកាន់ក្លឹបថ្មីគឺ Olympique Lyonnais។ នេះបន្ទាប់តែខ្សែបម្រើសញ្ជាតិស៊ែប៊ី ហាក់ព្យាយាមរកផ្លូវចាកចេញ ជាជាងការបន្តនៅ។
ប្រកួតចុងក្រោយរបស់គេ ក៏ត្រឹមអង្គុយក្នុងតំណែងបម្រុងឲ្យ Rennes តែជាជ័យជម្នះលើ Lyon ក្លឹបថ្មីរបស់គេនោះ ៣-២។ ចំពោះតម្លៃផ្ទេរ Matic ត្រូវបានរាយការណ៍ប្រហែល ២,៦ លានអឺរ៉ូប៉ុណ្ណោះ ជាមួយនឹងការព្រមព្រៀងកុងត្រាថ្មី រយៈពេល ២ ឆ្នាំកន្លះ។
គួរឲ្យដឹងដែរថា កាល Matic ជោគជ័យខ្លាំងគឺនៅ Chelsea ត្រង់ឈ្នះពាន Premier League ទីនោះដល់ទៅ ២ សម័យ ក្រោយមកជាមួយ United ជាមួយ Roma រួមទាំង Rennes ហាក់មិនកាក់កបឡើយនឹងលទ្ធផល។ ពេលចុងក្រោយក៏កើតរកាំរកូសដល់អវត្តមានពីទីលានហ្វឹកហាត់ថែមទៀតផង ដ្បិតក្លឹបបង្ហាញការរិះគន់ តែសាមីខ្លួថាមានការចាំបាច់ជាមួយកូនៗនៅឯសាលា។
រំឭកដែរថា Lyon ជាទ្រនំថ្មីរបស់ Matic ធ្លាក់ទម្រង់ខ្លាំងរដូវកាល ២០២៣/២៤ ទៅឈរដល់លេខរៀងទី ១៦ នៅតារាង Ligue 1។ ស្របពេល Rennes ឈរលេខ ៩ មាន ២៥ ពិន្ទុ នាំមុខពីលើក្លឹបខាងលើចំនួន ៩ ពិន្ទុ៕
ប្រភព៖ Reuters