ខ្សែប្រយុទ្ធ Richarlison របស់ក្លឹប Tottenham Hotspur នឹងអវត្តមានរយៈពេល៣ទៅ៤សប្ដាហ៍ ពីទីលានប្រកួត ដោយសារបញ្ហារបួសជង្គង់ នេះបើយោងតាមការបញ្ជាក់របស់អ្នកចាត់ការ Ange Postecoglou។
តារាឆ្នើមប្រេស៊ីលវ័យ២៦ឆ្នាំរូបនេះបានរងរបួស អំឡុងការប្រកួតដែល Spurs រងបរាជ័យ ២-១ ក្រោមថ្វីជើងរបស់ Wolves។ ហើយនេះជាដំណឹងអាក្រក់មួយសម្រាប់ក្រុមរបស់លោក Postecoglou ចំពោះអវត្តមានរបស់កីឡាករកំពុងលេចធ្លោរូបនេះ។
អ្នកចាត់ការជនជាតិអូស្ដ្រាលី បាននិយាយថា៖ “Richy មានការខកចិត្ត ព្រោះគេជាអ្នករួមចំណែកយ៉ាងសំខាន់ ប៉ុន្ដែរដូវកាលរបស់យើងនឹងឆ្ពោះទៅបែបនេះ”។
Spurs បានប្រឈមនឹងការលំបាក ដោយសាររបួសកីឡាករក្នុងក្រុមនារយៈពេលប៉ុន្មានសប្ដាហ៍ចុងក្រោយនេះ ដោយពុំមានខ្សែការពារ Pedro Porro ហើយ Ryan Sessegnon អាចនឹងត្រូវសម្រាករហូតដល់ចប់រដូវកាល ក្រោយទទួលការវះកាត់របួសសរសៃរពួរ៕
ប្រភព៖ BBC