យោងតាមប្រភពី ‘Football Insider’ បានរាយការណ៍មកថា ក្លិប Manchester City កំពុងរៀបចំផ្តល់ជូនកិច្ចសន្យាថ្មីបន្ថែមទៀត សម្រាប់កីឡាករ Phil Foden បន្ទាប់ពីមើលឃើញពីការបង្ហាញគុណផលលេងដ៏ល្អសម្រាប់ការប្រកួតថ្មីៗនេះ។
ជាក់ស្តែង កីឡាករវ័យ ២៣ឆ្នាំរូបនេះ បានរួមចំណែករកបាន ១៨ គ្រាប់ និងបញ្ជូនបាល់ឱ្យមិត្តរួមក្រុមស៊ុតចំនួន ៩ ដងរួចមកហើយ ក្នុងការបង្ហាញខ្លួនចំនួនសរុប ៤១ ប្រកួតក្នុងរដូវកាលនេះ ។
ជុំវិញការបង្ហាញភាពលេចធ្លោបែបនេះហើយ ទើបថា្នក់ដឹកនាំរបស់ក្លិប Manchester City ត្រូវបានគេរាយការណ៍ថា កំពុងរៀបចំកិច្ចសន្យាថ្មីបន្ថែមទៀតសម្រាប់រូបគេ ដើម្បីជារង្វាន់ ស្របពេលកីឡាករសញ្ជាតិអង់គ្លេសរូបនេះ ក៏អាចក្លាយជាកីឡាករម្នាក់ក្នុងចំណោមកីឡាករដែលអាចរកចំណូលបានច្រើនជាងគេ ក្នុងក្រុមរបស់លោក Pep Guardiola ផងដែរ។
ជម្រាបជូនផងដែរថា កិច្ចសន្យាបច្ចុប្បន្នរបស់ Foden នឹងផុតកំណត់នៅឆ្នាំ២០២៧ ឯណោះ ប៉ុន្តែក្លិបអង់គ្លេស នៅតែចង់រក្សារូបគេសម្រាប់រយ:ពេលវែងទៅមុខទៀត ៕
ប្រភព: Besoccer