ថ្មីៗកន្លងទៅនេះមានការចុះផ្សាយថា ក្លឹប Bayern Munich ហាក់កំពុងពិចារណាចាប់អារម្មណ៍ចង់បានគ្រូសញ្ជាតិបារាំង Zinedine Zidane ដែលទំនេរជើងអស់រយៈពេលជាច្រើនខែហើយនោះ។ វាបន្ទាប់តែលោក Thomas Tuchel ហាក់ធ្វើមិនសូវបានល្អនៅរយៈពេលចុងក្រោយ ជាពិសេសនៅក្របខ័ណ្ឌកំពូលអាល្លឺម៉ង់ Bundesliga។
អំពីស្ថានភាពអតីតគ្រូ Real Madrid បន្តិច ចាប់តាំងការខកខានដឹកនាំនៅរដូវកាលចុងក្រោយជាមួយស្តេចស ២០២០/២១ ក៏បន្តទំនេរជើងមកទល់សព្វថ្ងៃ ហើយធ្លាប់មានដំណឹងល្ហៀងៗទៅដឹកនាំក្លឹបពីរបីផ្សេងដែរ តែមិនឃើញកើតជាការទៅចូលរួមផ្លូវការទាល់តែសោះ។ ឥឡូវជាមួយក្លឹបអាល្លឺម៉ង់វិញម្តង ថាមិនត្រូវអាចមានភាគរយខ្ពស់ជាងសំណាក់ក្លឹបដទៃក៏ទៅរួច។
យ៉ាងណាបើជោគជ័យដូចការគ្រោងទុក អ្នកចាត់ការខាងលើក៏ត្រូវតែប្រកាន់ខ្ជាប់ទម្លាប់អនុវត្តច្បាប់បានចែងនៅក្លឹបខាងលើ ដូចកីឡាករដទៃអ៊ីចឹងដែរ គឺតម្រូវត្រូវតែជិះរថយន្ត Audi ឥតអាចប្រកែកបាន។ ក៏ដោយសារក្លឹបមានភាពជាដៃគូសហការរវាងក្រុមហ៊ុនផលិតរថយន្តអាល្លឺម៉ង់ខាងលើរាប់ឆ្នាំមកហើយ ពោល Audi នេះសោត ក៏មានភាគហ៊ុនគ្រប់គ្រងក្លឹប ៨,៣៣ ភាគរយផងដែរ។
បើតាមដឹង កីឡាករនិងអ្នកចាត់ការទាំងអស់របស់ Bayern ត្រូវបាន Audi ប្រគល់រថយន្តឲ្យជិះឥតគិតថ្លៃចាប់តាំងឆ្នាំ ២០០២ មកម្ល៉េះ ពោលជាង ២ ទសវត្សមកហើយ។ ក្នុងចំណោម Audi ក៏មានសិទ្ធអាចប្រើប្រាស់រថយន្ត Bentleys, Bugattis និង Porches ផងដែរ ព្រោះវាស្ថិតក្រោមសម្ព័ន្ធយក្ស Volkswagan តែមួយ៕
ប្រភព៖ SportBible