យោងតាមរបាយការណ៍ចុងក្រោយបង្អស់បានចុះផ្សាយថាក្លឹបយក្ស Manchester City បានកៀកជិតនឹងចុះហត្ថលេខាយកខ្សែការពារក្លឹប Juventus នោះគឺ Joao Cancelo។
ក្លឹបឈ្នះជើងឯកនៅ Premier League រដូវកាលចាស់ កំពុងលៃលកហ៊ានឲ្យដល់ទៅ ៤៤ លានផោនសម្រាប់ខ្សែការពារស្លាបស្តាំរូបនេះ។ Cancelo មិនត្រឹមតែមានការចាប់អារម្មណ៍ពី Man City មួយទេ ទៀតសោតសូម្បីតែត្រកូលរួម Man Utd ក៏ធ្លាប់បង្ហាញការចង់បានកីឡាករព័រទុយហ្គាល់ដូចគ្នា។
យ៉ាងណាមិញតាមសារព័ត៌មាន Goal បានជឿជាក់ថា City អាចនឹងនាំយក Cancelo មកយ៉ាងពិតប្រាកដនាទីផ្សារដោះដូររដូវក្តៅ ព្រោះពួកគេបានត្រៀមលក្ខណៈរួចរាល់ក្នុងការវ៉ៃចេញ Danilo។ ក្នុងនោះក្រុមឈ្នះជើងឯក Serie A ក៏អាចមានឱកាសយក Danilo ទៅជំនួសតំណែងកីឡាករព័រទុយហ្គាល់ឬប្រើជម្រើសមានស្រាប់រវាង Elseid Hysaj របស់ Napoli ឬ Kieran Trippier របស់ Spurs ប្រសិនខ្លួនចរចាត្រូវរ៉ូវ។
ប្រភព: Metro