Dani Ceballos គឺជាកីឡាករមួយរូបផ្សេងទៀតបន្ទាប់ពី Gareth Bale ដែលបង្ហាញអារម្មណ៍ស្រលាញ់ក្លឹប Real Madrid និងមិនចង់ឈានដល់ការចាកចេញនាទីផ្សារដោះដូររដូវក្តៅនេះឡើយ។
ខ្សែបម្រើដែលកំពុងលេងឲ្យក្រុមជម្រើសជាតិអេស្ប៉ាញ U21 នឹងមិនស្ថិតក្នុងផែនការណ៍របស់ Zidane នារដូវកាលបន្ទាប់ ពោលគឺមានភាគរយខ្ពស់អាចត្រូវក្លឹបវ៉ៃចេញទៅកាន់ក្លឹបដទៃណាមួយ។
បញ្ជាក់ប្រាប់ Onda Cero កីឡាករ Ceballos ប្រាប់ថា៖ “ខ្ញុំមិនចង់ឲ្យកលឹបលក់ចេញខ្ញុំចេញនោះទេ ដោយខ្ញុំចង់រីករាយនិងមានអារម្មណ៍ថាខ្លួនឯងសំខាន់ មិនថានៅទីណាក៏ដោយ ខណៈខ្ញុំក៏មានបទពិសោធន៍ខ្លះ ហើយជឿជាក់ថាឆ្នាំក្រោយនឹងជាឆ្នាំដ៏ល្អមួយសម្រាប់ខ្ញុំ”។
រំឭកថា Ceballos ក៏កំពុងបម្រើជម្រើសជាតិអេស្ប៉ាញនៅពានរង្វាន់ Euro អាយុក្រោម ២១ ឆ្នាំ ដោយអេស្ប៉ាញបានឡើងមកកាន់វគ្គផ្តាច់ព្រ័ត្រជួបជម្រើសជាតិអាល្លឺម៉ង់ ហើយប្រសិនណាគោជល់អេស្ប៉ាញអាចលើកពាន នោះអនាគតរបស់ខ្សែបម្រើរូបនេះក៏ទំនងជាមានភាពជ្រះស្រលះប្រសើរជាងមុនក៏ថាបាន។
ប្រភព៖ Marca