រឿងរ៉ាវនៅរសៀលថ្ងៃចន្ទនេះបានផ្ទុះឡើងសារជាថ្មី បន្ទាប់ពីសារព័ត៌មាន Diario Gol បានរាយការណ៍យ៉ាងជឿជាក់ជុំវិញការត្រៀមប្រកាសវត្តមានចំណូលថ្មី Neymar Jr នៅឯកីឡដ្ឋាន Santiago Bernabeu របស់ក្លឹប Real Madrid។
លោក Florentino Perez ដែលតាមប្រមាញ់ Neymar អស់រយៈពេលយូរមកហើយនោះ ត្រូវបានប្រភពខាងលើថាបានផ្តល់ជូនកុងត្រារយៈពេល ៥ ឆ្នាំជាមួយប្រាក់ពលកម្មប្រមាណ ៣៥ លានអឺរ៉ូ/រដូវកាលសម្រាប់កីឡាករប្រេស៊ីល។
តារាឆ្នើមធ្លាប់លេងនៅ FC Barcelona រូបនេះ ក៏នឹងគ្រងអាវលេខ ២៣ របស់ក្លឹប ពោលគឺមិនទាន់អាចទទួលបានអាវលេខ ១០ ដែលខ្លួនចង់បានឡើយ។ យ៉ាងណាមិញប្រសិនការបង្ហាញទម្រង់លេងល្អ គួបផ្សំរូបគេមានប្រជាប្រិយភាពស្រាប់ផងនោះ ក៏ប្រហែលជាស្តេចសមិនខ្លាចដកអាវលេខ ១០ ចេញពី Modric មកប្រគល់ជូនជើងថ្មីរបស់ខ្លួនផងដែរ។
បញ្ជាក់ថាជាញឹកញយមានរបាយការណ៍ចុះផ្សាយបន្តកន្ទុយគ្នាថាមានតែ Neymar ម្នាក់គត់ ដែលអាចជំនួសស្រមោលនៃការចាកចេញរបស់ Cristiano Ronaldo និងជាចំណែកអាចជួយឲ្យស្តេចសត្រលប់មកស្ថានភាពល្អប្រសើរដូចដើមវិញ។ ប្រភព៖ FoxSportAsia