Juventus ហាក់ធ្វើមិនសូវបានល្អសោះ នៅការប្រកួតទល់ Sassuolo នៅយប់មិញ ដោយទម្រង់លេងរបស់ក្រុមម្ចាស់ដីហាក់ចាញ់ច្រាបជុំវិញការវាយបកម្តងហើយម្តងទៀតពីសំណាក់ក្រុមភ្ញៀវ។
Buffon ភ្លាត់ស្នៀតបង្កើតកំហុស ជាមួយនឹង De Ligt ដែលទទួលបានពិន្ទុ ៥,០ និង ៥,៧ ទាបជាងគេបង្អស់នៃផ្នែកកីឡាករក្លឹបសេះបង្កង់។ ខណៈ Ronaldo ដែលរកបានបាល់ប៉េណាល់ទីបានត្រឹម ៧,៣ ពិន្ទុប៉ុណ្ណោះ ទាបជាង Dybala ដែលប្តូរចូលនៅតង់ទីពីរបាន ៧,៦ ខ្ពស់ជាងគេក្នុងចំណោមកីឡាករក្នុងក្រុម។ Dybala មានឱកាសស៊ុត ៦ លើកកាលពីយប់មិញ ជាមួយភាគរយបញ្ជូនបាល់ជោគជ័យ ៨៥ ភាគរយ ស្របពេល CR7 ស៊ុត ៩ លើក បញ្ជូនបាល់ជោគជ័យ ៧២ ភាគរយ។
ចំណែកឯ Man Of The Match ក្នុងការប្រកួត នោះគឺ Caputo ខ្សែប្រយុទ្ធជួរមុខរបស់ក្រុមភ្ញៀវដែល Assist ១ និងស៊ុតបានមួយគ្រាប់បានពិន្ទុ ៨,២ ចំណែកឯអ្នកចាំទីដ៏ល្អរបស់ Sassuolo ក៏ទទួលបាន ៧,៦ ផងដែរ ក្រោយ Save បាន ៧ លើក ក្នុងចំណោមការស៊ុតចំគោលដៅទាំង ៩៕ ប្រភព៖ WhoScored
អានអត្ថបទបន្ទាប់៖ Xabi Alonso ថាបើមានពាន Ballon d’Or ឲ្យអ្នកចាត់ការ ម្នាក់នេះគឺសក្ដិសមបំផុត
Xabi Alonso ក៏ធ្លាប់ចំណាយពេលចូលរួមជាមួយក្លឹបអាជីពធំៗរាប់ភ្លេច ហើយសម្រាប់ឆ្នាំ ២០១៩ នេះ លោកបានបង្ហាញការពេញចិត្តដល់អ្នកចាត់ការដ៏ល្អមួយរូប ដែលថាប្រសិនមានពាន Ballon d’Or ផ្តល់ជូនគ្រូបង្វឹកទៀតនោះ គឺគ្មានអ្វីគួរឲ្យសង្ស័យឡើយសម្រាប់អ្នកចាត់ការរូបនោះ។
នៅបទសម្ភាសន៍ជាមួយ L’Equipe អតីតកីឡាករជើងចាស់នៅក្លឹប Real Madrid បាននិយាយថា៖ “នោះគឺ Jurgen Klopp ដែលគាត់មានអ្វីមួយដែលព្រះជាម្ចាស់បានប្រទានឲ្យ ដោយអ្នកមើលទៅទំនាក់ទំនងរវាងគាត់នឹងកីឡាករក្រោយចប់ការប្រកួតនីមួយៗ វាគឺជាអារម្មណ៍ដ៏រឹងមាំដែលកើតចេញពីទំនាក់ទំនងដែលគាត់ចង់បង្កើតជាមួយក្លឹប”។
លោកបន្ត៖ “ជាការពិត Pep ក៏គាត់អាចដឹងច្បាស់ពីការធ្វើបែបនេះ មិនខុសពី Rafa Benitez ឬអ្នកចាត់ការដទៃទៀត”៕
ប្រភព៖ Marca