យុវជនវ័យ ២១ ឆ្នាំ Martin Odegaard ទីបំផុតបានផ្លាស់ទៅចូលរួមលើលក្ខខណ្ឌខ្ចីជើងជាមួយនឹងក្លឹប Manchester City ហើយ ពោលគឺកីឡាករដែលស្ថិតក្រោមការគ្រប់គ្រងពេញសិទ្ធរបស់ Real Madrid រូបនេះ នឹងត្រូវចាយពេលដល់បញ្ចប់រដូវកាលនៅ Etihad។
តាមរយៈការចុះផ្សាយផ្លូវការលើគេហទំព័ររបស់ Real Sociedad (ក្លឹបដែលខ្ចីជើង Odegaard នារដូវកាល ២០១៩/២០) បានបង្ហោះនូវដំណឹងថ្មីមួយនេះ ដោយថាដើម្បីបញ្ចៀសការយល់ច្រឡំនិងការបំប៉ោងព័ត៌មានណាមួយពីប្រព័ន្ធផ្សព្វផ្សាយផ្សេងៗ ជុំវិញអនាគតរបស់គេនៅរយៈពេល ៦ ខែបន្ទាប់។
បែបនេះមានន័យថា Odegaard អាចនឹងមានឱកាសពាក់ឈុតមេឃខៀវ ត្រូវប៉ះគ្នាទល់ក្លឹបអាណាព្យាបាល Real Madrid នាអំឡុងវគ្គ ១៦ ក្រុម UCL ដែលជើងទី ១ ត្រូវធ្វើឡើងអំឡុងខែកុម្ភៈ ឆ្នាំ ២០២០ ខាងមុខ៕
ប្រភព៖ Real Sociedad
អានអត្ថបទបន្ទាប់៖ Casemiro ប្រាប់ឈ្មោះកីឡាករដែលសំខាន់បំផុតបន្ទាប់ពី Messi នៅ Barcelona
ខ្សែបម្រើក្លឹប Real Madrid គឺកីឡាករ Casemiro បានទម្លាយពីឈ្មោះកូនក្រុមនៅទ្រនំអ្នកមានបុណ្យមួយរូប ដែលថាមានភាពសំខាន់បំផុតសម្រាប់ក្លឹប FC Barcelona បន្ទាប់ពី Lionel Messi។
នៅបទសម្ភាសន៍ជាមួយ Libero កីឡាករសញ្ជាតិប្រេស៊ីលនិយាយថា៖ “ក្រៅពី Messi ហើយនោះគឺ Busquets ជាកីឡាករដ៏សំខាន់បំផុតរបស់ Barcelona នៅប៉ុន្មានឆ្នាំចុងក្រោយនេះ”។
លោកបន្ត៖ “យើងនិយាយអំពី Messi, Suarez ឬពីមុនអាចថា Neymar ប៉ុន្តែ Busquets ទេសម្រាប់ខ្ញុំដែលគិតថាសំខាន់បំផុតនោះ ដោយគាត់ជាខ្សែការពារបម្រើដ៏ល្អបំផុតមួយក្នុងលោក តែបើប្រៀបធៀបជាមួយខ្ញុំគឺមានភាពខុសប្លែកពីគ្នា”។
គួររំឭកថាអ្នកទាំងពីរមិនទាន់ជួបគ្នាផ្ទាល់លើទីលានប្រកួតនៅឡើយនារដូវកាលនេះ ដោយកាលពីជើងទីស្មើ ០-០ គឺពេលនោះ Busquets ជួបបញ្ហារបួសហើយត្រឹមអង្គុយកៅអីបម្រុងតែប៉ុណ្ណោះ៕ ប្រភព៖ FoxSportAsia