ក្លឹបអង់គ្លេស Wolverhampton Wanderers មានបំណងចង់បាន ខ្សែប្រយុទ្ធ Hwang Hee-Chan របស់ក្លឹប RB Salzburg ជាកីឡាករដំបូងសំរាប់ការដោះដូរនៅខែមករាខាងមុខនេះ។
បើតាមការរាយការណ៍របស់កាសែត Sky Sports បានឲ្យដឹងថា ខ្សែប្រយុទ្ធសញ្ជាតិកូរ៉េខាងត្បូងរូបនេះ មានតំលៃខ្លួន ២៣លានផោន(ប្រមាណ ៣០លានដុល្លារ) ខណៈដែលកុងត្រារបស់គេជាមួយនឹងក្លឹបអូទ្រីស នៅសល់តែ៨ខែទៀតប៉ុណ្ណោះ។
កីឡាករវ័យ២៣ឆ្នាំ បានសាងភាពលេចធ្លោខ្លាំងសំរាប់រដូវកាលនេះ ជាពិសេសរូបគេបានរកគ្រាប់បាល់៣គ្រាប់ នៅក្នុងវគ្គចែកពូល Champions League ដែលមួយគ្រាប់ក្នុងចំណោមនោះទល់នឹងក្រុម Liverpool នៅទឹកដី Anfield កាលពីខែតុលា។
ក្លឹប Wolves បានបញ្ជូនអ្នកឃ្លាំមើលកីឡាករ ទៅទស្សនាការប្រកួតដែល Hwang បានចូលរួមលេង ជាច្រើនប្រកួត នៅខែនេះ ប៉ុន្ដែពុំទាន់អាចធានាការផ្ទេរកីឡាកររូបនេះឡើយ ខណៈដែលក្លឹបរូបគេក៏ទទួលបាន ការចាប់អារម្មណ៍ពីសំណាក់ក្លឹបធំៗនៅ អាល្លឺម៉ង់, អេស្ប៉ាញ និង អ៊ីតាលីផងដែរ។
គួររំឮកថា Takumi Minamoto ដែលជាមិត្តរួមក្រុមរបស់ Hwang នៅ Salzburg បានព្រមព្រៀងផ្ទេរមកចូលរួមជាមួយ Liverpool នៅដើមខែមករា ខាងមុខនេះ៕
ប្រភព៖ Sky Sports
អានអត្ថបទបន្ទាប់៖ Man Utd ប្រជែង PSG ដណ្តើមយកខ្សែការពារក្រុមលេខ ២ នៅ PL មួយរូប
តាមរបាយការណ៍ពីសារព័ត៌មាន TheSun បានចុះផ្សាយថាក្លឹប Paris Saint-Germain បាននឹងកំពុងប្រជែងគ្នាជាមួយក្លឹប Man Utd លើការដណ្តើមយកខ្សែការពារក្លឹបកំពូល Leicester City មួយរូប។
នោះគឺកីឡាករ Ricardo Pereira ដោយខ្សែការពារស្លាបស្តាំរូបនេះបានព្រមព្រៀងចុះហត្ថលេខាមកចូលរួមនៅកញ្រ្ជោងកាលពីរដូវកាល ២០១៨/១៩។ United ត្បិតកន្លងទៅបណ្តាក់ទុនធំលើប្រព័ន្ធការពារក្រោយ ដែលមាន Maguire និង Bissaka ប៉ុន្តែហាក់មិនទទួលបានផលសម្រេចដូចក្លឹបចង់បានទាល់តែសោះ។
រីឯ Paris មើលឃើញ Ricardo ដើម្បីចង់ជំនួសតំណែង Thomas Meunier ដែលត្រៀមផុតកុងត្រាសេសសល់នាចុងរដូវកាល ២០១៩/២០។
បញ្ជាក់ថាបច្ចុប្បន្ន Leiceste កំពុងឈរលេខ ២ នៅក្របខ័ណ្ឌ Premier League ដោយមាន ៣៨ ពិន្ទុ ស្របពេល Man Utd ឡើងមកឈរ Top 5 វិញហើយ មាន ៣១ ពិន្ទុតាមប្រកិតតោខៀវ Chelsea៕
ប្រភព៖ FoxSportAsia