នៅជំនួបថ្ងៃពុធរវាង Real Zaragoza និងក្លឹប Real Madrid គឺ Marcelo បានបំបែកកំណត់ត្រាមួយនាមជាកីឡាករដែលបង្ហាញខ្លួន ៥០០ ប្រកួតហើយឲ្យក្លឹប Real Madrid។
រាប់ចូលជាខ្ញីចាស់មួយរូបដែលតួលេខនេះតិចជាង Roberto Carlos តែ ២៧ ប្រកួតប៉ុណ្ណោះ ហើយប្រសិនធ្វើបាននោះរូបគេនឹងក្លាយជាកីឡាករក្រៅតំបន់បង្ហាញខ្លួនច្រើនបំផុតក្នុងប្រវត្តិសាស្រ្តស្តេចស Madrid។
គួរបញ្ជាក់ថា Marcelo បានមកចូលរួមនៅ Bernabeu នាខែមករាឆ្នាំ ២០០៧ មកទល់ពេលនេះក្លាយឈ្មោះជាខ្សែការពារស្លាបឆ្វេងល្អបំផុតមួយរូបក្នុងលោក។ ៥០០ ប្រកួតរបស់ Marcelo ឈ្នះ ៣៤៥ លើកនិងស៊ុតបញ្ចូលទីបាន ៣៦ ដង៕
ប្រភព៖ AF
អានអត្ថបទបន្ទាប់៖ ធ្លាក់ EFL មែនពិត តែកីឡាករ United រូបនេះបាន MOTM បណ្តាក់មួយប្រកួតទៀតហើយ
Manchester United បានបរាជ័យក្រោមថ្វីជើង Man City នៅ EFL Cup ក្នុងលទ្ធផល ៣-២ (សរុបពីរជើង) ត្បិតកាលពីយប់មិញបានបំបាក់ក្រៅដី ១-០ ក៏ពិតមែន។
តាម WhoScored បានបង្ហាញនៅការវាយតម្លៃចំណាត់ថ្នាក់កីឡាករដោយ Harry Maguire បានទទួលពិន្ទុខ្ពស់បំផុត Man Of The Match ប្រចាំការប្រកួត ៨,២ ពិន្ទុ។ នៅតំបន់ប្រយុទ្ធ Greenwood បានត្រឹម ៦,២ និង Martial បាន ៦,៧ ពិន្ទុពោលធ្វើមិនបានល្អទាល់តែសោះ។ គ្រាប់បាល់នោះកើតឡើងដោយ Matic ដែលមាន ៦,៦ ពិន្ទុ ក្រោយរងកាតក្រហមមួយ។
គួរបញ្ជាក់ថាកាលពីប្រកួតមុនដែល Man Utd ប៉ះគ្នានៅ FA Cup ជាមួយ Tranmere ដែលស៊ី ៦-០ នោះក៏ Maguire បាន MOTM ដែរ៕
ប្រភព៖ WhoScored