តាមរយៈការប្រកាសរបស់ក្រុមគ្រួសារលោក Daglish ដែលជាវីរបុរសមួយរូបនៅហង្សក្រហម Liverpool បានឲ្យដឹងថារូបលោកមានតេស្តរកឃើញជំងឺកូវីដ១៩។
Sir Akenny Daglish ជាអតីតកីឡាករធ្លាប់លេងឲ្យហង្សក្រហមជំនាន់ឆ្នាំ ១៩៧៧-៩០ បង្ហាញខ្លួន ៣៥៥ លើក និងរកបាន ១១៨ គ្រាប់។ លោកក៏ធ្លាប់ជាអ្នកចាត់ការនៅ Liverpool, Blackburn និង Newcastle Untied ផងដែរ។
តាមការបញ្ជាក់ពីក្រុមគ្រួសារ បុរសវ័យ ៦៩ ឆ្នាំ ត្រូវបានបញ្ជូនទៅមន្ទីរពេទ្យនៅថ្ងៃទី ៨ មេសា ហើយលោកបានអំពាវនាវឲ្យអ្នករាល់គ្នាឯទៀតចាំបាច់ត្រូវគោរពនូវការណែនាំរបស់រដ្ឋាភិបាល ហើយលោកក៏សង្ឃឹមថាខ្លួនឯងនឹងអាចចេញពីមន្ទីរពេទ្យនាពេលឆាប់ៗខាងមុខនេះ៕
ប្រភព៖ AF
អានអត្ថបទបន្ទាប់៖ មិត្តរួមជម្រើសជាតិ៖ ” បើ Ronaldo វិលទៅ Real វាជារឿងមិនគួរឲ្យភ្ញាក់ផ្អើលទេ”
ទន្ទឹមនឹងស្ថានភាពនៅ Juventus ដែលមិនសូវកាក់កបជាមួយការរកគ្រាប់បាល់ដូចនៅអេស្ប៉ាញ រុញឲ្យមានចចាមអារ៉ាមជាច្រើនចុះផ្សាយបន្តកន្ទុយគ្នាថា Cristinao Ronaldo ទំនងជានឹងត្រូវវិលត្រលប់ទៅកាន់ក្លឹប Real Madrid វិញក្នុងពេលខាងមុខ។
ពាក់ព័ន្ធនឹងបញ្ហានេះ ថ្លែងពីមិត្តរួមជម្រើសជាតិព័រទុយហ្គាល់កីឡាករ Jose Fonte បាននិយាយចំៗថា Ronaldo តែងតែទុកផ្លូវក្រោយសម្រាប់ខ្លួនឯង ក្នុងការវិលត្រលប់ទៅវិញ ព្រោះជឿជាក់ថា CR7 គេស្រលាញ់ Real Madrid ខ្លាំងណាស់។
និយាយប្រាប់ TalkSport លោក Fonte ថា៖ “ខ្ញុំដឹងច្បាស់ថាគាត់ស្រលាញ់ក្លឹប Madrid ខ្លាំងណាស់ ព្រោះជាក្លឹបដ៏ធំបំផុតមួយក្នុងលោក ហើយមានមិត្តភ័ក្ដិរបស់គាត់ជាច្រើននៅទីនោះ ដោយគាត់ក៏តែងតែទុកផ្លូវក្រោយសម្រាប់ខ្លួនឯងជានិច្ចតាំងពីដំបូងមក”។
“បែបនេះវាមិនជារឿងភ្ញាក់ផ្អើលអ្វីនោះទេ ប្រសិនណាគាត់ត្រលប់ទៅកាន់ក្លឹប Real Madrid”៕
ប្រភព៖ SoccerLaduma