Everton នាំយកកីឡាករ Barcelona ពីររូបបន្ថែមទៀត មុនពេលទីផ្សារដោះដូរបិទទ្វារ

ខ្សែការពារ Yerry Mina របស់ Barcelona បានសំរេចចិត្តចុះហត្ថលេខាចូលរួមជាមួយ Everton ដោយសារតែរូបគេមិនមានឱកាសគ្រប់គ្រាន់ ក្នុងការចូលលេង បូករួមជាមួយនឹងការមកដល់របស់ Clement Lenglet។

ក្លឹបទាំងពីរបានចចារគ្នា ផ្ទេរកីឡាកររូបនេះក្នុងតំលៃ ៣០លានអឺរ៉ូ +២លានអឺរ៉ូសំរាប់លក្ខខណ្ឌផ្សេងៗ។ Mina បានបង្ហាញទម្រង់លេងលេចធ្លោរក្នុងការប្រកួត World Cup នៅរុស្ស៊ី បន្ទាប់ពីរូបគេសឹងតែមិនបានលេងទាល់តែសោះនៅទឹកដី Camp Nou។

ដោយឡែកខ្សែបម្រើព័រទុយហ្គាល់ Andre Gomes ក៏នឹងទៅចូលរួមជាមួយនឹងក្រុមស្ករគ្រាប់ផងដែរ ក្រោយពីក្លឹបទាំងពីរបានព្រមព្រៀងគ្នាជាផ្លូវការ ក្នុងលក្ខខណ្ឌខ្ចីជើងរយៈពេលមួយឆ្នាំ ប៉ុន្ដែ Everton ត្រូវចំនាយ ២.៦លានអឺរ៉ូ សំរាប់ Barca។

អ្នកចាត់ការក្លឹប Everton លោក Marco Silva បានបញ្ចុះបញ្ចូល Gomes អោយចូលរួមជាមួយក្រុមរបស់លោក បានដោយជោគជ័យ ហើយកីឡាករវ័យ២៥ឆ្នាំ បានធ្វើតេស្ដពិនិត្យសុខភាព នៅ Barcelona មុនពេលធ្វើដំនើរទៅទីក្រុង Merseyside។

គួររំលឹកថា Gomes ធ្លាប់ត្រូវបានក្លឹប West Ham និង Valencia ចាប់អារម្មណ៍ចង់បានរូបគេ ប៉ុន្ដែខ្សែបម្រើរូបនេះ សំរេចចិត្ដផ្លាស់មកលេងអោយ Everton ជាមួយនឹង Lucas Digne ដែលទើបតែផ្ទេរទៅនៅក្នុងរដូវក្ដៅនេះផងដែរ៕

ប្រភព៖ Sport English

Everton ទិញបានខ្សែការពារ Lucas Digne របស់ Barcelona ខណៈ Liverpool បញ្ចេញខ្សែប្រយុទ្ធម្នាក់

ក្លឹប Everton  បានព្រមព្រៀងសំនើរទិញខ្សែការពារ Lucas Digne ពីក្លឹប Barcelona ក្នុងតំលៃ ២៦លានដុល្លារ កាលពីថ្ងៃអាទិត្យកន្លងទៅ។ ខ្សែការពារស្លាបឆ្វេង Digne ជាជម្រើសទី២ នៅទឹកដី Camp Nou បន្ទាប់ពីកីឡាករអេស្ប៉ាញ Jordi Alba ទើបរូបគេសំរេចចិត្តផ្ទេរមកលេងអោយ Everton ដើម្បីអាចមានឱកាសជាប់ជម្រើស១១នាក់ដំបូង។

ខ្សែការពារវ័យ ២៥ឆ្នាំរូបនេះ ជាកីឡាករទី២ ដែលអ្នកចាត់ការថ្មីរបស់ Everton លោក Marco Silva បានទិញចូល បន្ទាប់ពីកីឡាករ Richarlison ដែលផ្ទេរពីក្លឹប Watford ក្នុងតំលៃ ៥២លានដុល្លារ។

ដោយឡែកក្លឹបរួមទីក្រុង Merseyside ហង្សក្រហម Liverpool បានសំរេចចិត្តដាក់ខ្សែប្រយុទ្ធ Ben Woodburn អោយក្លឹប Sheffield United ដែលលេងនៅលីគលំដាប់ទី២ខ្ចីជើង មួយរដូវកាល។

ខ្សែប្រយុទ្ធវ័យ១៨ឆ្នាំរូបនេះ បានបង្ហាញខ្លួនអោយ Liverpool ក្នុងប្រកួតមុនបើករដូវកាល ប៉ុន្ដែ រូបគេត្រុវអភិវឌ្ឃខ្លួនបន្ថែមនៅទឹកដី  Bramall Lane នៅក្រោមការដឹកនាំរបស់គ្រូបង្វឹក Chris Wilder។

គួររំលឹកថា Woodburn បានបង្ហាញខ្លួនអោយក្រុមឈុតធំ Liverpool បាន១១លើក ចាប់តាំងពីឆ្នាំ ២០១៦ ហើយរូបគេជាកីឡាករវ័យក្មេងបំផុត ដែលរកគ្រាប់បាល់អោយក្រុម នៅក្នុងការប្រកួតពាន EFL Cup កាលពីឆ្នាំនោះ ដោយយកឈ្នះ ក្រុម Leeds ក្នុងលទ្ធផល ២-០ ដែលកាលនោះគេមានវ័យ ១៧ឆ្នាំ និង ៤៥ថ្ងៃ៕

ប្រភព៖ Sky Sports

ចង់បាន Yerry Mina ពេក Everton តំលើងថ្លៃ ៨លានបន្ថែមអោយ Barcelona

ក្លឹបអង់គ្លេស​ Everton មានបំណងចង់បានខ្សែការពារ Yerry Mina របស់ Barcelona កាន់តែខ្លាំង ដោយដាក់តំលៃ ៣៥លានដុល្លារសុំទិញខ្សែការពារកូឡុំប៊ីរូបនេះ ខណៈដែលក្លឹបអាល្លឺម៉ង់ និង​ បារាំងមានការចាប់អារម្មណ៍ចំពោះពួកគេផងដែរ។

ខ្សែការពារវ័យ២៣ឆ្នាំរូបនេះ បានផ្ទេរពីក្លឹប Palmeiras មក Barcelona កាលពីខែមករាកន្លងទៅ ប៉ុន្ដែក្លឹបកាតាឡាន់ កំពុងរង់ចាំសំនើរពីក្លឹបផ្សេងៗ បើទោះបិជាកីឡាកររូបនេះ បានបង្ហាញខ្លួនជាមួយនឹងទម្រង់លេងដ៏ល្អនៅ World Cup ក្ដី។

ដោយឡែក Everton ដែលធ្លាប់បានដាក់សំនើរទិញ ក្នុងតំលៃ ២០លានដុល្លារ ពេលនេះបានតំលើងថ្លៃដល់ ២៨លានដុល្លារហើយ ដើម្បីប្រជែង ជាមួយ West Ham, Borussia Dortmund និង Lyon៕

ប្រភព៖ Goal

[វីដេអូ] ក្រុម Everton លត់ក្រុមអូស្ដ្រាលី Irdning ២២គ្រាប់ មិនអោយតដៃរួច

ក្រុមអង់គ្លេស Everton បានយកឈ្នះក្រុម ATV Irdning ក្នុងលទ្ធផល ២២-០ ដោយមិនអោយតដៃរួច ក្រោមការដឹកនាំដំបូងរបស់លោក Marco Silva ដែលក្នុងនោះមានកីឡាករ ៤រូបរកបាន hat-trick។

ខ្សែប្រយុទ្ធ Kevin Mirallas រកបាន hat-trick ដោយចំនាយពេលតែ៧នាទីដំបូង នៅក្នុងតង់ទី២ មុនពេលបន្ថែមពីរគ្រាប់ទៀត ខណៈខ្សែប្រយុទ្ធ  Cenk Tosun និង Oumar Niasse រកបានម្នាក់បួនគ្រាប់ ហើយ Ademola Lookman រកបានបីគ្រាប់ជាលើកដំបូងផងដែរ។

គួរបញ្ជាក់ថា ក្រុមរបស់លោក Silva នឹងត្រលប់ទៅអង់គ្លេសវិញនៅថ្ងៃពុធ ដើម្បីជួបប្រកួតក្រុមគីឡូធ្ងន់ Bury បន្ទាប់ពីលត់ក្រុមលីគលំដាប់ទី៥របស់អូស្រ្ដាលីជាង២០គ្រាប់៕

ប្រភព៖ BBC

Rooney ប្រាប់ពីហេតុផលបដិសេធសំណើដ៏លើសលុបពីក្លឹបចិន ដោយចូលរួមអតីតក្លឹប Everton វិញ

ខ្សែប្រយុទ្ធ Wayne Rooney បានជ្រើសរើសយកការវិលត្រឡប់ទៅកាន់ក្រុមចាស់ Everton វិញដោយរំលងការផ្តល់ជូនដ៏ធំមួយរបស់ក្លឹបនៅប្រទេសចិន ។

ជាក់ស្តែងអតីតប្រធានក្រុមជម្រើសជាតិអង់គ្លេសរូបនេះបានជាប់ពាក់ព័ន្ធនឹងការផ្ទេរទៅកាន់តំបន់អាស៊ីបូព៌ាក្នុងរយៈពេលប៉ុន្មានខែចុងក្រោយនៃអាជីពជាកីឡាកររបស់ក្លិបបិសាចក្រហម Manchester United ប៉ុន្តែនៅទីបំផុតគាត់បានសំរេចចិត្តទៅលេងនៅក្លឹបចាស់កាលពីអាយុ 13 ឆ្នាំរបស់គាត់វិញបន្ទាប់ពីចាកចេញពីក្លឹប Man Utd ។​

មិនតែប៉ុណ្ណោះ Rooney បានប្រាប់សារព័ត៌មាន BBC ថា “នោះមិនមែនអ្វីដែលខ្ញុំត្រូវការគោលដៅទាំងនោះទេ ។ បំណងប្រាថ្នានឹងត្រូវបាត់បង់ប្រសិនបើខ្ញុំជ្រើសរើសជម្រើសផ្សេងទៀត” ។

” ខ្ញុំដឹងថាការត្រលប់ទៅ Everton វិញគឺមានសម្ពាធកាន់តែច្រើន – នោះហើយជាអ្វីដែលខ្ញុំចង់បាន”​ ។

លោកបានបន្តទៀតថា “​ខ្ញុំចង់បង្ហាញខ្លួនខ្ញុំម្តងទៀតចំពោះអ្នកគាំទ្ររបស់ក្រុម Everton ហើយព្យាយាមជួយក្លិបនេះឱ្យបន្តឆ្ពោះទៅមុខនិងឈ្នះពានរង្វាន់”​ ៕

ប្រភព: Daily Mail